sida la sheegay ay intooda badani ku geeriyoodeen doontaasi.

 

 

Axmed Geedi oo kamid ah dadka ku sugan liibiya oo hadhwanaagnews ugu waramey khadka Isgaadhsiinta isagoo jooga Tripoli ayaa sheegay in dadka ku dhintey doontaasi ay u badnaayeen dhalinyaro isugu jira rag iyo dumar oo dhamaantood u dhashey Dalka Somaliland,waxaanu xusay in ay doonataasi saarnaayeen sagaashan iyo dheeraad islamarkaana, ay ka badbaadeen sadex iyo labaatan qof oo kamid ah halka 17 ay ahaayeen dumar inta kalena ay ahaayeen rag.

 

"Doontu waxey ka baxdey Tripoli habeenkii sabtidii waxaanay degtay habeen hore waxa ku dhintey in ka badan todobaatan qof maxaa yeelay waxa saarnaa sagaashan iyo dheeraad todoba iyo toban ayaa ahaa gabdho halka inta kalen ay ahaayeen rag waxana ka badbaadey sadex iyo labaatan qof oo kaliya"Sidaa waxa yidhi Axmed Geedi oo kamid ah dhalinyarada u dhashey Somaliland ee hada ku sugan dalka Liibiya isagoo Sheegay in uu Goor dhaweyd ka tagey wiil magaciisa layidhaa Maxamed Xasan oo ka badbaaday Doontaasi.

 

Waxaanu intaa ku darey hadalkiisa in ay garanayaan dhalinyaro badan oo dhashey Somaliland oo ku geeriyooday doontaasi.

 

Ma aha markii ugu horeysay ee doon ku degta badda u dhexeysa Talyaaniga iyo Liibiya ay ku geeriyoodaan dhalinyaro u dhashey Somaliland oo ka tahriibay Magaalooyinka Somaliland,waxaana dhawaan ku degtay baddaasi doon kale oo ay ku geeriyoodeen dhalinyaro Reer Somaliland ah,waxaanay tani noqoneysaa tiradii ugu badneyd ee Ku Leeday Badda u dhexeyysa Talyaaniga iyo Liibiya,maadaama ay todobaataneeyo ku geeriyoodeen.