Madaxwaynaha dalka Masar Cabdul Fattax al-Sisi ayaa furay oo xarigga kaga jaray magaalada Qaahiro kaniisadii ugu waynayd ee laga dhiso bariga dhexe.

Hirgalinta kaniisadan ayaa ku soo beegmaysa maalin uun ka dib markii qarax lala beegsaday meel u dhaw kaniisad ay leeyihiin Qibdhiyiinta.

Qibdiyiinta ayaa dalka Masar ka ah 10% islamarkana dadka reer Masar aqlabiyadooda waa Muslimiin.

Mr Sisi, oo isagu isku tilmaamo in uu yahay nin ka difaaca Masiixiyiinta kooxaha xagjirka ah ayaa u sheegay dadkii isugu yimid furitaanka Kaniisadaasi in hal mar la wada furo masaajidka Al-Fatax Al-Aleem iyo kaniisadan ay tahay fariin nabadeed.

Waxaa la adkeeyay ammaanka xafladda lagu furiyay Kaniisadan cusub.

"Waxaa nahay hal waxa aana sii ahaan doonaa kuwa wdaajira," ayuu yiri Mr Sisi markii uu xarigga ka jarayay kaniisadda cusub.

Masar oo seddax maalmood barooraneysa

Kaameruun oo ku guulaysatay Koobka Qaramada Afrika

Hogaamiye Ikhwaanka Masar ka mid ahaa oo la dilay

Lahaanshaha sawirkaAFP

Image caption

Kaniisadan ayaa ah tii ugu waynayd bariga dhexe

Madaxa madhabka Kaatoliga Pope Francis ayaa salaan u soo diray baadiga lagu magacaabo Pope Tawadros II oo ah madaxa kaniisada Qibdiyiinta.

Kaniisadan ayaa ah mid ay ku cibaadaysan karaan dad tiradooda dhan tahay 8,000