Is beddel ayaa ku yimid qorshe lagu doonayay in maanta caasimadda Muqdisho lagu soo garsiiyo allaha u naxaristo meydka guddoomiyihii gobolka Banaadir iyo duqii Muqdisho, marxuun Cabdiraxmaan Cismaan Yariisow.

Arrintan waxaa sabab looga dhigay dib u dhac ku yimid diyaaradda magaalada Doxa ee xarunta dalka Qatar ka soo qaadi laheyd meydka, sida laga soo xigtay xubno guddiga ka mid ah.

Guddiga ayaa sidoo kale laga soo xigtay in meydka berri la soo garsiin doono caasimadda Muqdisho isla berri oo Axad ahna uu dhacayo aaska qaran ee lo diyaariyay allaha u naxaristo, marxuun Cabdiraxmaan Yariisow oo u geeriyooday dhaawac ka soo gaaray qaraxii 24tii bishan ka dhacay gudaha xarunta dowladda hoose ee Xamar.