War Deg Deg Ah:-Qarax Hada Ka Dhacay Magalada Muqdisho Iyo Khasaraha Dhashay.
Warar dheeraad ah ayaa ka soo baxaya qarax ismiidaamin ah goor dhaw ka dhacay Bar-koontorool oo ciidamo ka tirsan kuwa Booliska Soomaaliya ku leeyihiin Ex-Koontorool Afgooye ee magaalada Muqdisho.
Qaraxa ka hor ayaa goobjoogayaal waxaa ay sheegeen in Gaariga ay Ciidamada rasaas ku rideen,kadib markii laga shakiyay, sidaasina uu ku qarxay.
Goobjoogayaal ayaa warbaahinta u sheegay in qaraxan uu sababay geerida Qofkii Ismiidaamiyay, Askari ka tirsan ciidamada Booliska iyo mid ka mid ah raggii saarnaa gaariga oo saraakiil ka tirsan ciidanka Booliska ay sheegeen in la toogtay halka mid kale oo la socday ay ciidamada ku raadjoogaan,kadib markii uu baxsaday.
Waxaa sidoo ay wararku sheegayaan in qaraxan uu sababay wax yeelo soo gaartay dad shacab ah,waxaana hakad galay isku socodka dadka iyo Gaadiidka ee Muqdisho iyo duleedkeeda,iyada oo laamaha Amniga Soomaaliya aysan weli qaraxaasi ka hadlin.
War Deg Deg Ah:-Qarax Hada Ka Dhacay Magalada Muqdisho Iyo Khasaraha Dhashay.
War Deg Deg Ah:-Qarax Hada Ka Dhacay Magalada Muqdisho Iyo Khasaraha Dhashay.