Turkey oo Dib u Dhiseysa Dekedda uu Qaraxu Burburiyay ee Beirut
Turkey oo Dib u Dhiseysa Dekedda uu Qaraxu Burburiyay
ee Beirut Madaxweyne ku xigeenka Turkiga Fuat Oktay ayaa hadal uu jeediyey ka dib
kulan uu la qaatay Madaxweynaha Lubnaan Michel Aoun waxa uu sheegay in
wadankiisu uu diyaar u yahay in uu gacan ka geysto dib u dhiska dekadda
Beirut.
Dekadda Mersin ee Turkiga, ee ku taal badda Mediterranean ayuu sidoo kale
sheegay in ay diyaar u tahay in ay Lubnaan ka caawiso adeegyada kastam-ka
iyo keydinta shixnadaha waaweyn illaa Dekadda Beirut dib loo dhiso.
"Waxaan u sheegnay in badeecadaha looga soo daabuli karo Mersin ilaa
Lubnaan maraakiib yar yar iyo qaabab kale oo gaadiid ah,” ayuu yiri.
Oktay waxa kale oo uu hadalkiisa ku xusay in diyaarada ambalaasyada ah ee
Turkigu ay dadka dhaawacyada ah u qaadi karaan Turkiga si halkaasi loogu
soo daweeyo. Mas’uuliyiinta Turkiga ayaa u diray Lubnaan koox caafimaad,
saanad iyo sidoo kale koox howlaha baadi goobka iyo badbaadinta gacan ka
geysata.
Dhanka kale, Xoghayaha Guud ee Jaamacadda Carabta Axmed Aboul Gheit
ayaa Sabtida maanta ah sheegay in uu doonayo in uu abaabulo dadaallada
wadamada Carabta ee taageero la siiyo dalka Lubnaan ka dib qarixii
musiibada ahaa ee todobaadkan ka dhacay magaalada Beirut oo burburiyey
qaybo ka mid ah caasimadda.
Isaga oo lahadlayay suxufiyiinta kadib kulan uu la qaatay Madaxweynaha
Lubnaan Michel Aoun ayuu Aboul Gheit sidoo kale sheegay in Jaamacadda
Carabta oo fadhigeedu yahay magaalada Qaahira, kulmisana dalalka Carabta
ay diyaar u tahay in ay gacan ka geysato baaritaanka sababta dhalisay
qaraxan.
"Waxaan diyaar u nahay in aan kaalmayno wixii awoodeenna ah,” ayuu yiri,
isagoo intaa raa
baaqay Faransiiska oo maalinta Axadda ee berri looga hadlayo gargaar loo
fidiyo dalka Lubnaan.
Qaraxa waxaa ku dhintay in ka badan 150 qof, iyadoo ay ku dhaawacmeen
5,000 oo kale, halka ilaa 250,000 qofna uu dhigay guryo la'aan. Qaraxyada
ayaa ka dhacay bakhaar ku yaal dekedda oo ay ku keydsanaayeen 2,750 ton
oo ah maaddada ammonium nitrate ee loo adeegsado bacriminta iyo walxaha
qarxa.
Musiibada ayaa dhacday waqti ay Lubnaan la halgameyso dhibaato baahsan
oo dhaqaalo xumo ah. Dowladaha Khaliijka Carabta ee hodanka ku ah
saliidda, kuwaasi oo muddo dheer gacan siin jiray si ay u kabaan dhaqaalaha
liita ee Lubnaan ayaa muddooyinkii danbe ka gaabsaday in ay bixiyaan
kaalmada maaliyadeed, iyagoo ka cabsi qaba saameynta sii kordheysa ee
kooxda Xisbullah, oo ah koox awood badan oo taageera ka hesha dalka Iran.
Turkey oo Dib u Dhiseysa Dekedda uu Qaraxu Burburiyay ee Beirut
Turkey oo Dib u Dhiseysa Dekedda uu Qaraxu Burburiyay ee Beirut