Dawlada Kenya Oo Suuq Kale U Raadineysa Ganacsiga Qaadkii Imaan Jiray Soomaaliya.
Dawlada Kenya Oo Suuq Kale U Raadineysa Ganacsiga
Qaadkii Imaan Jiray Soomaaliya. Dowladda Kenya ayaa hadda ka fikireysa in ay dalal kale u
weecido ganacsiga Qaadka oo markii hore loo soo dhoofin jiray dalka Soomaaliya, kaddib markii uu go'ay
xiriirka labada dowladood Soomaaliya iyo kenya.
Wasaaradda Ganacsiga ayaa qorsheyneysa inay raadiso seddex suuq oo cusub oo loo dhoofiyo Qaadka
iyadoo khilaafka diblomaasiyadeed ee labada dal Kenya iyo Soomaaliya uu dib u dhac ku keenay soo
laabashada suuqii ugu weynaa Qaadka Kenya ee Soomaaliya.
Xoghayaha guud ee Wasaarradda Ganacsiga Kenya Johnson Weru oo la kulmay wafdi ganacsato ah oo uu
hogaaminayo gudoomiyaha gobolka Meru Kiraitu Murung ayaa sheegay in wasaaradu ay bilaabi doonto
qaabilaada wadamo ay ka mid yihiin Jabuuti, Jamhuuriyadda Dimuqraadiga ee Congo iyo Mozambique.
Mr Weru ayaa sheegay in wasaaraddu ay warbixinno horumarineed ka bixin doonto suuqyada cusub
dhammaadka bisha Maarso ee sannadka soo socda "Waxaan helnay codsi ka yimid beeraleyda waxaan
wadahadal la furi doonaa Jabuuti, DR Congo, Mozambique iyo wadamada kale ee Africa, waa in ay la
yimaadaa beeraleydu sharuucda wadamada aan la ganacsanayno," ayuu yiri Mr Weru.
Inkastoo xiriirka labada dowladood ee dariska ah Kenya iyo Soomaaliya bilihii ugu danbeeyayba uusan
wanaagsaneyn, haddana waxaa jira cadaadis labada dalba lagu saarayo in ay ka heshiiyaan wixii khilaafaad
ah ee jira.
Dawlada Kenya Oo Suuq Kale U Raadineysa Ganacsiga Qaadkii Imaan Jiray Soomaaliya.
Dawlada Kenya Oo Suuq Kale U Raadineysa Ganacsiga Qaadkii Imaan Jiray Soomaaliya.