Waxaan idiin heynaa xog xiiso badan oo ku saabsan 9-halyee oo kubada cagta heer sare ka gaareen haatana caruurtada ay mari rabaan wadadii ay mareen. Sidaa darteed rug cadaayaashaan wiilashooda ayaa mustaqbalka dhow saaxada kubada cagta kasoo muuqaan doonaan waxayna diyaar u yihiin caruurtaan inay hore usii wadaan magacyada aabayaashooda oo kubada cagta isaga fariisteen:

Edwin van der Sar & Joe van der Sar: halyeegan goolhayaha ah waxaa u joogo wii 16-jir ah oo haatan ka tirsan naadiga Ajax heerkeeda hoose.

Martin Keown & Niall Keown:Daafacii hore ee Arsenal haatan wiilkiisa waa 19-jir wuxuuna ka tirsan kooxda Reading xidigaheeda 21-jirada ka hooseeyo da’dooda.

Paulo Maldini & Christian Maldini:halyeegan wiilkiisa waa 18-jir wuxuuna ka cayaaraa daafaca sidoo kalena kooxda heerka hoose ee Milan ayuu ka tirsan yahay.

Gus Poyet & Diego Poyet:Macalinkan wiilkiisa wuxuu haatan ka tirsan yahay naadiga Huddersfield oo uu amaah kula joogo balse milkiyadiisa kooxda West Ham ayaa leh.

Zinedine Zidane & Enzo Zidane:Zizu wiilkiisa dhawaan ayuu fursad u siiyay inuu u safto kooxda heerka labaad ee Madrid ee uu isaga macalinka u yahay.

David Beckham & Brooklyn Beckham:Halyeegan wiilkiisa asigoo 15-jir ah ayuu dhawaan heshiis la gaaray kooxda Arsenal.

Rivaldo & Rivaldinho:La yaab sanadkii hore ayayba kulan ka tirsan horyaalka Brazil Rivaldo iyo wiilkiisa isaga hor imaadeen!!

Andy Cole & Devante Cole:halyeegan wiilkiisa kooxda Man City ayuu ka tirsan balse haatan amaah ayuu kula joogaa naadiga Barnsley.

Contact@Afkashacabka.com