Muuqaaladan naxdinta badan ee laga sii daayey telefishinka Discovery channel ayaa ka danbeeyey ka dib markii 27 jirkan oo la odhan jiray Paul Rosolie oo ay weheliyaan 10 nin oo xooggan isaga oo asxaabtiisu arkeyso uu cunay mas aad u weyn meel u dhow webiga Amazon.

Ninkani wuxuu xidhnaa maryo adag oo madow ah, harag adag oo ah ka doofaarka iyo sidoo kale qalab adag oo uu aaminsanaa in ay ka difaaci karaan qaniinyada xayawaanka , waxaana isla markiiba uu ku dhaqaaqay xayawaanka xoogga weyn xili kaamaradu haysay xaaskiisuna ay daawaneysay.

Maskan oo loo yaqaano anaconda oo ka mid ah noocyada xayawaanka ee dunida guud ahaan sida weyn looga baqo ayaa wax ilbidhiqsi ka yar gudahood isku duuduubay ninkan oo dhererkiisu gaadhsiisnaa 5ft9ins waxaana uu isku jajabiyey ninka jidhkiisii iyo qalabkii adkaa ee loogu talagalay in uu qaniinyada isaga ilaaliyo.

Si kasta oo ay ahaato Mr Rosolie markii uu dareemay in qalabkii adkaa ee uu soo xidhay la burburiyey wuxuu amray dadkii la socday oo isugu jiray dhakhaatiir,dadka cilmiga xayawaanka yaqaana iyo sidoo kale dhakhaatiirta xayawaanka in ay bedbaadiyaan- xiligaas oo madixiisu uu ku dhexjiray gawsaha xayawaanka.

Daqiiqado gudahooda intii uu socday muuqaalkan oo loogu magac daray " nin nolosha lagu cunay”, dadka ku nool guud ahaan Maraykanka ayaa durbadii ku yaacay baraha bulshadu kuwada xidhiidho si ay u muujiyaan naxdinta iyo argagaxa ay kala kulmeen muuqaalkan;