Wasiirka Madaxtooyada somaliland ayaa ka dareen celiyey safarka madaxweynaha ee xeebaha dalka waxanu qoraal uu kaga hadlayo so dhoweyntii reer ceerigaabo ku baahiyey Boggiisa facebook iyo bloggiisa gaarka ah.. waxanu yidhi:

Shaqo Walba Waxay u Muuqataa Mid adag oo aan la Qaban Karin ilaa laga Midho Dhaliyo

 

"It Always Seems Impossible until It is done”

 

Shacabka ku dhaqan guud ahaan gobolka Sanaag waxay Cod dheer ku  sheegeen in ay ka go’an tahay horumarinta gobolkooda iyo caawinta dawladooda.

 

Safarka dheer ee Madaxaweynuhu ku Marayey Xeebaha dalku waxay Fariin u tahay sida ay uga go’an tahay horumarinta Xeebaha Dalka Dad iyo Deegmooyin  badan ayaa nasiib u helay in ay Arkaan Madaxweynaha Maamula dalka abid intii ay  Somaliland Jirtay

 

Maanta waxay ahayd maalin mudan oo milgo badan, maanta waxay ahayd maalin cod dheer shacabka ku dhaqan guud ahaan gobolka Sanaag ay ku sheegeen in ay ka go’an tahay horumarinta gobolkooda iyo caawinta dawladooda.

 

Dadka reer ceerigaabo waxay maanta  muujiyeen dareenkooda, waxay soo bandhigeen sida ay ugu diyaarsanyihiin dhismaha wadada Sanaag-Togdheer iyo guud ahaanba horumarka dalka, waxay far waaweyn ku qoreen taageerada ay madaxweynaha iyo dawladiisa u hayaan. "Today  their action have  spoken" waxay ficil ahaan ku muujiyeen maamuska ay agtooda ka leedahay hirgalinta jidkan dheer ee dhibta badan.

 

Safarkii dheeraa ee maalmihii u dambeeyey  madaxweynuhu u kala gudbayey waddada dheer ee barbar marta xeebteena dheer  wuxuu daarnaa  u kuurgalka  & horumarinta xeebaha dalka  iyo dhaqaajinta Waddada Ceerigaabo wuxuu aha  safar taariikhi ah oo in badan iyo dhul badan u noqday xasuus ma guurto ah , dalkeena iyo dadkeena in badan oo kamida waxay noqotay markii uugu horaysay ee ay arkaan Madaxweynaha dalkooda maamula intii ay Somaliland jirtay abid.

 

Waxaa farxad iyo bushaaro ah in waddada ceerigaabo dhaqaalihii aanu  u diyaarinay wixii suurtagal ka ahaa sanadkan, bulshada waa u bandhignay gudi dhaqaale ururin arintaa isku hawlana madaxweynaha ayaa u magacaabay, qalabkiina waa loo dalbay oo waakaa idin horyaala maanta ceerigaabo, hadii ay dadka qaar riyo iyo lab la kac ugu muuqatay waataa la billaabay inagoo barbar taagan .

 

 Hogaamiyaha ayay caadadiisa tahay in uu arko wax aan markaa dadka u muuqan oo uu suurtageliyo wax aan la filayn in uu dhici karo ... waa sidii laga soo wariyey Hogaamiyihii Nelson Mandela in uu yidhi  "it always seems impossible until it is done" , waxay marwalba u muuqaataa wax aan suurogeli Karin ilaa la qabto.

Dadka reer sanaag waxaan ka codsanaynaa in ay hormuud ka noqdaan qaadhaanka waddada dal  iyo debedba, dadka reer Somaliland waxaan ka codsanaynaa in ay caawiyaan oo is barbar taagaan, waxaanan ku kalsoonahay in aan waddadan  dhisi karo dalkana horumar gaadhsiin karno inagoo isku duuban. Illaahayna waxaan ka rajaynayaa inuu dedaalka inagu guuleeyo tacabkana inoo xasiliyo.

 

Wa Bilaahi Tawfiiq.