C/weli Gaas oo Sheegay in ay weli wadaan Howlgallo ka Dhan ah Al-shabaab
- Visits: 1069
- (Rating 0.0/5 Stars) Total Votes: 0
- 0 0
-
Share
Madaxweynaha Puntland, Cabdiwali Maxamed Cali (Gaas) ayaa ka hadlay howlgallada ka dhanka ah Al-shabaab ee ciidamada Puntland ka wadaan buuraha galgala iyo hareeraheeda.
C/weli
Gaas oo wareysi siinayay BBC-da ayaa sheegay in howlgalladaas ay meel
fiican marayaan, isla markaana ay ku qab-qabteen tiro saraakiil ah oo
muhiim u ahaa Xarakada Al-shabaab.
"Howlgalkaas
meel wanaagsan ayuu marayaa, bishii Oktoobar ee sannadkan ilaa iyo
hadda howlgalku si xoog leh ayuu uga socdaa Galgala iyo dhulka ugu badan
ee Al-shabaab ku sugnaayeen, shalay iyo dorraad howlgalo ayaa ka dhacay
aaggaas,” ayuu yiri C/wali Gaas.
Sidoo
kale, madaxweynaha Puntland wuxuu intaas ku daray in maalmo ka hor ay
Garoowe ku qabteen xubin muhiim ah oo Al-shabaab ka tirsan, kaasoo uu
tilmaamay inay dhawaan soo bandhigi doonaan.
"Howlgalkii
u dambeeyay shalay iyo doraad ayuu ka dhacay Galgala, tiro ka mid ah
raggaasna waa la qabtay nimankaas waa la qabtay, qaarkoodna waa la
dilay, kuwa ugu waa-weynaa ee kasoo baxsaday ayaa magaalada Garowe ku
qabanay,” ayuu yiri madaxweynaha Puntland.
Madaxweynaha
Puntland ayaa ka hadlay barnaamijka la xisaabtan wasaaradaha Puntland
sannadkii lasoo dhaafay, wuxuuna intaas raaciyay in barnaamijkan looga
gol-leeyahay sidii wixii u qabsoomay iyo kuwa aan u qabsoomin loosoo
bandhigi lahaa, dadkana ay la wadaaageen.
Ugu
dambeyn, C/weli Gaas ayaa horraanta sannadka cusub wuxuu dabaal-degi
doonaan sanad-guuradii koowaad ee kasoo wareegatay, markii xilka
madaxweynaha Soomaaliya loo doortay horraantii sannadkan.
C/weli Gaas oo Sheegay in ay weli wadaan Howlgallo ka Dhan ah Al-shabaab
Madaxweynaha Puntland, Cabdiwali Maxamed Cali (Gaas) ayaa ka hadlay howlgallada ka dhanka ah Al-shabaab ee ciidamada Puntland ka wadaan buuraha galgala iyo hareeraheeda.