" Dagaalkeenu qof la dilo uma joogsanayo wuuna soconayaa" SH. CALI DHEERE:
- Visits: 744
- (Rating 0.0/5 Stars) Total Votes: 0
- 0 0
-
Share
Iyadoo diyaaradaha aan duuliyaha lahayn ee dowladda Mareykanka ay duqeymo ku dileen saraakiil ka tirsanaa Xarakada Al-shabaab oo uu ku jiro hoggaamiyahoodii Axmed Cabdi Godane oo billowgii bishii September 2014-ti
i lagu dilay duqeyn ka dhacday gobolka Shabeellada Hoose, ayuu
afhayeenka Al-shabaab Sheekh Cali Dheere ayaa xusay in dagaalkooda uusan
u joogsan doonin duqeymaha mas’uuliyiintooda lagu qaarijinayo.
Sheekh
Cali Dheere oo wareysi siinayay Tv-ga Al-jaziira ayaa sheegay in
hoggaamiyeyaal badan oo ka tirsan Al-shabaab lagu dilay duqeymo, balse
ay sii socdaan dagaalladooda ka dhanka ah dowladda Soomaaliya iyo
AMISOM.
"Duqeyn
lagu dilo hoggaamiye ama sarkaal Al-shabaab ka tirsan waxba uma dhimayo
dagaalka aan Somalia ka wadno. Waan sii wadi doonaa dagaallada aan uga
horjeedno dowladda iyo ciidamada Midowga Afrika. go’aankeennuna waa
inaan ku dhaqanka sharciga Islaamka ka hirgelinno Somalia oo dhan,” ayuu
afhayeenka guud ee Al-shabaab ku yiri wareysigiisa.
Afhayeenka
Al-shabaab ayaa intaas ku daray inay ku faanayaan in dagaalka ay wadaan
ay ku baahiyeen gudaha Kenya. Isagoo xusay in weerarkii ay ku qaadeen
xarunta AMISOM ee Muqdisho ay ku dileen tiro badan oo ka mid ah
saraakiisha ciidamada Midowga Afrika ee Soomaaliya.
Wuxuu
sidoo kale sheegay Sheekh Cali Dheere inay gacanta ku dhigeen rag uu
sheegay inay jawaasiis u ahaayeen la shaqeeya dalalka reer galbeedka iyo
shabakado shisheeye ah, kuwaasoo uu sheegay inay gacan ka geysteen
dilal loo geystay hoggaamiyeyaal sare oo Al-shabaab ka tirsan.
"Haddii
Mareykanku uu duqeyn kuwada dilo dhammaan hoggaamiyaasha Xarakada
Al-shabaab, waa sii socan doonnaa… hoggaamiye cusub ayaana imaan doono…
dagaalkeenu kuma xirna dhimashada qof iyo wax ka badan,” ayuu Sheekh
Cali Dheere hadalkiisa ku daray.
Mas’uuliyiintii
Al-shabaab ee duqeymaha lagu dilay ayaa waxaa ka mid ah; Aadan Xaashi
Ceyrow, Salaax Al-Nebhan, Axmed Cabdi Godane iyo xubno kale, kuwaasoo
lagu dilay deegaanno kala duwan oo Soomaaliya ka mid ah.
Si
kastaba ha ahaatee, hadalka afhayeenka guud ee Al-shabaab, Sheekh Cali
Dheere ayaa kusoo beegmaya iyadoo xukuumadda Somalia iyo Mareykanku ay
sheegeen inay duqeyn ka dhacday gobolka Jubbada dhexe toddobaadkii hore
ku dileen madaxii sirdoonka Al-shabaab C/shakuur Tahliil
.contact@afkashacbka.com
" Dagaalkeenu qof la dilo uma joogsanayo wuuna soconayaa" SH. CALI DHEERE:
Iyadoo diyaaradaha aan duuliyaha lahayn ee dowladda Mareykanka ay duqeymo ku dileen saraakiil ka tirsanaa Xarakada Al-shabaab oo uu ku jiro hoggaamiyahoodii Axmed Cabdi Godane oo billowgii bishii September 2014-ti