Madaxweynuhu wuxuu xadhiga ka jaray Dugsi Cusub oo loo dhisay Ardayda Dhegoolayaasha ah ee Gobolka Togdheer, kaasoo aasaaskiisa iyo bilowgiisa uu lahaa badhasabkii hore ee Togdheer

Madaxweyne Siilaanyo oo Xalay Xadhiga ka jaray Dugsigii Dhegoolayasha Burco iyo Mashaariic kale, isagoo warbixina ka dhegaystay Guddiga dib udhiska Madaarka

Madaxweynaha Jamhuuriyadda Somaliland Ayaa shalay Gelinkii Danbe sii waday Furistii iyo dhagax dhiggii mashaariicda gobolka Togdheer laga hirgeliyey, waxana uu xadhiga ka jaray Dugsi Cusub oo loo dhisay Ardayda Dhegoolayaasha ah ee Gobolka Togdheer, kaasoo aasaaskiisa iyo bilowgiisa uu lahaa badhasabkii hore ee Togdheer ahna Badhasabka Gobolka AWDAL Abdo Ahmed Ayir, Dugsigaas loogu magac daray masuulkaas wakhtiga, muruqa iyo maalkaba u huray sidii dugsigaasi u dhismi lahaa.

Intaas kadib waxa Madaxweynuhu Xadhiga ka jarayWajiga Labaad Oo Ah Dhismaha Dayr Dhisme Iyo Xayndaab Silig Ah Isu Jira Oo Lagu Wareejiyey Madaarkaasi Oo Ka Kooban 9KM (Sagaal Kiiloomitir), Oo Isugu Jira Ilaa 4.5 KM Oo Dhisme Laban Ah Oo Xaga Sare Taar Ku Leh Iyo Ilaa 4.5 KM Oo Taar Adag Ah, Kaas Oo Ay Si Wada Jir Ah U Samaayeen Gudidda Dib U Dhiska Madaarka Iyo Wasaaradda Duulista Iyo Hawadda.

Wasiirka Wasaaradda Duulista Iyo Hawadda Somaliland Md, Maxamuud Xaashi Cabdi Ayaa Madaxweynaha Warbixin Ka Siiyey Hawsha Baaxad Leh Ee Laga Qabtay Madaarka Burco, Isaga Oo Sidoo Kalena Sheegay Inay Ka Wasaarad Ahaan U Qorshaysan Tahay Sidii Madaarkaasi Loogu Samayn Lahaa Run-Way ( Dhabaha Dayuuraduhu Ka Haadaan) Oo 3-KM Ah Oo Laamiya, Iyo Terminalo Loogu Adeego Dadka Dhoofayaasha Ah.

Gudomiyaha Gudiga Dib U- Dhiska Madaarka Burco Sheekh Cali Mawliid Oo Isaguna Halkaasi Ka Hadlay Ayaa Madaxweynaha Faafaahin Ka Siiyey Dhamays Tirka Laba Mashruuc Oo Madaarkaasi Laga Fuliyey, Oo Ay Guddida Iyo Wasaaraddu Ku Guulaysteen Hir Galintooda.

Madaxweynaha Somaliland Md. Axmed Maxamed Siilaanyo Oo Isaguna Ka Hadlay Dhamays Tirka Labdaasi Mashruuc Oo Laga Hir Geliyey Madaarka Burco Ayaa Si Weyn Ugu Mahad Celiyey Wasiirka Duulista Maxamuud Xaashi Cabdi Oo Uu Sheegey Inuu Dedaal Xoogan Galiyey Fulinta Mashaariicdaasi.
Madaxweyne Siilaanyo Ayaa Sidoo Kalena Cod Dheer Uu Ku Sheegay Inay Xukuumadiisa Ka Go’an Tahay Dhamays Tirka Hawlaha Dib Loogu Hagaaajinayo Madaarka Burco, Hawlahaasi Oo Ay Ugu Mudan Yahay Dhismaha Run-Way 3 KM Ah, Oo Dhawaan La Bilaabayo.

Madaxweynuhu wuxu kaloo soo furay mashaariic kale oo dhowr ah oo laga hirgelinayo gobolka.