iyo weftigii madaxweynaha oo socodkoodii sii watay, iyo wasiirka madaxtooyada oo ka warbixiyey shilka haleelay weftiga tacsi na u direy qoyskii uu ka baxay Caaqil cabdi hadoodil

Wasiirka Warfaafinta Cukuse, Wasiirka Caafimaadka Xaglatoosiye, iyo Afhayeenka Madaxtooyada Dhuxul ayaa dhaawacyo fudud oo ka soo gaashay shil Baabuur oo saaka ka dhacay Huddisa iyo Laalays dhexddeeda, lana dhigay cisbitaalka Berbera, xaaladdoodu ka soo raynaysaa, waxana masuliyiinta cisbitaalka ku bookhday madaxweynaha qaranka JSL axmed maxamed maxamud siilaanyo oo ay weftigiisa xubno ka ahaayeen masuliyiintan.

Masuliyiintan oo cisbitaalka berbera loogu fidiyey gurmadka degdega ah ayaa sheegay in xaaladdoodu hadda ka soo raynayso, siina wadayaan safarkoodi.

Wasiirka madaxtooyada JSL xirsi cali xaji xasan oo shilkaasi kaga hadlay qoraal kooban oo uu ku baahiyey boggiisa facebookga ayaa yidhi sidan "Shil Sahlan oo sababay khasaare sahlan: mudo kooban ka hor waxaa shil sababay khasaare kooban soo gaadhay waftigii Madaxweynaha oo maraya waddada u dhaxaysaa Sheekh iyo Bebera, Illahay ayaa mahad leh dhamaan dadkii nabad galiyey, waxaan hadda ku suganahay Berbera wakhti dhow kadibna waxaan u soo jeesan doona Caasimada.Waxaa xusid mudan in Wasiir Cabdilaahi Maxamed Daahir Cukuse ay gacanta kasoo gaadhay dhaawac sababay jab, dhamaan intii kalena nabad iyo caafimaad qabaan.Alxamdulilah" ayu yidhi wasiirku

Waxa kaloo shilalkaasi ka dhacay duleedka degmada sheekh kamid ahaa caaqil ka mid ah cuqasha gobolka saaxil oo la yidhaa cabdi hadoodil inu shil baabuur isna ku geeriyooday, baabuurkaas oo ahaa kiisii isla markaasna la socday weftiga madaxweyna, maydka marxuumka oo loo qaaday tuulada suuqsade oo galabta lagu aasi doono, Wasiirka madaxtooyada ayaa mar kale dhambaal tacsi ah soo dhigay bartiisa facebook ga waxanu yidhi "Waxaan si dareen naxdin badan leh tacsi iyo duco uugu dirayaa Qoyskii, Qaraabadii, Asxaabtii iyo guud ahaanba shacabka reer Somaliland geerida naxdinta badan ee ku timid CHIEF CAAQIL CABDI MAXAMED CIGAAL "CABDI HADOODIL", oo saaka shil gaadhi ku geeriyooday wakhti kooban kadib markii uu dhacay shilkii sahlanaa ee soo gaadhay qaar kamida waftigii MadaxweynahaINAALILAAHI WAA INAA ILAYHI RAAJICUUN. ayu yidhi wasiirku.

Guud ahaanba Bahda Afkashacabka.com waxay tacsi u diraysaa qoyska reer mohamed cigaal ee uu ka baxay marxuumku iyo guud ahaanba, asxaabtii iyo qaraabadii uu ka geeriyooday marxum cabdi maxamed cigaalINAALILAAHI WAA INAA ILAYHI RAAJICUUN.