Kal-fadhigii 26aad ee golaha wakiilada somaliland oo maanta la soo Gebogabeeyey iyo Xildhibano ka tirsan Golaha oo Qaabilay Wefti ka socday Shefield
Fadhiga maanta ee golaha wakiilada somaliland
oo uu shir gudoominayey gudoomiye ku xigeenka koowaad ee golahaasi M.Baashe
Maxamed Faarax ayaa xildhibaanada golahaas ku war geliyey inay
maanta laga bilaabi gali doonaan fasax sideed todobaad ah.
Dhinaca kale warar laga helayo golaha
wakiilada somaliland ayaa tilmaamaya inay xildhibaanadaasi galeen fasax
iyaga oo aan ansixin xeerar ugu jiray kal-fadhiga 26aad ee golahaasi, taas oo
saamayn ku yeelan karta habsami u socodka hawlihii golahan loo doortay.
Dhinaca kale gudoomiye ku xigeenka labaad ee golaha wakiilada Cali Yuusuf Axmed iyo xildhibaano ka tirsan golahaasi ayaa maanta kulan la qaatay wafti ka socday dawlada Hoose ee Shefield kuwaas oo safar ku yimid somaliland.
Xubnahan ka socday dawlada Hoose ee Shefield oo ay wehelinayeen muwaadiniin somaliland ah ayaa ahaa xubnihii hormoodka ka ahaa in aqoonsiga somaliland la hor geeyo golaha deegaanka ee Shefield.
Gudoomiye ku xigeenka koowaad ee golaha
wakiilada somaliland Cali Yuusuf Axmed ayaa xubnahan si diiran ugu soo
dhaweeyey dalka, waxaanay labada dhinac ka wada hadleen sidii looga wada
shaqayn lahaa horu marinta qadiyada madax banaanida somaliland.
Contact@afkashacabka.com
Kal-fadhigii 26aad ee golaha wakiilada somaliland oo maanta la soo Gebogabeeyey iyo Xildhibano ka tirsan Golaha oo Qaabilay Wefti ka socday Shefield
Kal-fadhigii 26aad ee golaha wakiilada somaliland ayaa maanta si rasmiya u soo xidhmay.