Daawo: Madaxweynaha Somaliland oo Si layaab leh Logu Soo Dhoweeyey Laascaanod iyo Ciidama Qaranka oo ku so Dhoweyey Jiidda Hore ee Gambadha+SAWIRO
Madaxweynaha Somaliland oo socdaalka uu ku marayo Dalka socdaalkiisani ka mid ahaa ayaa Fadhiisinka Gambadha ee Cidanka Qaranka ka dhagax Dhigay Laba Mashruuc oo ay xukumaddu hirgelinayso
Contact@afkashacabka.com
Madaxweynaha qaranka Somaliland Mudane Axmed Maxamed Silaanyo, iyo weftigii uu hogaaminaayey ee todobaadkan socdaalka ku maraayey gobolada dalka intooda badan ayaa maanta si weyn loogu soo dhaweeyey magaalo madaxda gobolka Sool ee laascaanood.
Madaxweynaha oo gudanaaya waajibaadkiisa shaqo ayaa muddo todobaad ahba safaro ku galaabixinaayey sedeed gobol in ka badan oo kii u danbeeyey uu yahay gobolka sool, halka uu hore u soo maray gobolada, Awdal, Gabiley, Hawd, Daadmadheedh, Togdheer, Saraar, iyo qaybo ka mida Gobolka buuhoodle, safarkan oo ah mid uu madaxweynuhu ku maray xuduuda ay somaliland la leedahay wadamada jaarkeena ah ee Ethiopia iyo Soomaaliya, ayaa loogu magac daray safarkii Buuraha iyo Banaanka, ujeedadiisa koowaadna tahay in dalka guud ahaan uu madaxweynuhu ka war hayo, xaaladahooda dhaqan-dhaqaale, caafimaad, nolosha dadka iyo xoolaha ee deegaamada iyo xuduudaha dalkaba.
Abaaro 9:00 Am ama subaxnimo waxa uu madaxweynuhu gaadhay magaalo madaxda sool ee laascaanood, waxaana halkaa si weyn ugu soo dhaweeyey shacbi aad u tiro badan oo ka socda bulshada qaybeheeda kala duwan oo kaga horyimid duleedka magaalada, kadibna madaxweynaha iyo weftigiisa u sii gelbiyey gudaha magaalada, isaga oo madaxweynuhu shacbigii isugu soo baxay wadada hareeraheeda salaan gacantaaga u fidiyey.
ka dibna waxa madaxweynaha la geeyey Xamdi hotel oo madaxweynaha ay ku sugayeen kumanaan dad ah iyo cuqaal aad u tiro badan, halkaasina waxa hadalo ka soo jeediyey garaad Jaamac Garaad Ismaaciil, Garaad Cabdilaahi Maxamed Guuleed, Suldaamo kale, Chief Caaqilo, Gudoomiyaha Bahweynta Nabada Marwo CARFI JAAMAC CALI, Maayarka Magaalada, Badha-saabka gobolka, masuuliyiin kala duwan, oo uga mahadnaqay safarka uu ku yimid gobolka, markii labaad balse kala duwan labadaasi wakhti marka loo eego xiliyada laga soo gudbay, iyaga oo ku tilmaamay isbedelkaasina mid waxqabad oo ka gobol ahaan ay qirayaan in xukuumadani ay wax weyn u qabatay sool.
dhinaca xukuumadana waxa halkaasi ka hadlay wasiirka Warfaafinta, cukuse, Wasiirka hawlaha Guud cabdirisaaq, Wasiirka Biyaha, Xuseen,Wasiirka Arrimaha Gudaha Cali warancade oo madaxweynaha ku soo dhaweeyey markii danbe
Iyada oo madaxweynuhuna uu uga mahadnaqay soo dhawaynta ay soo dhaweeyeen madaxweynaha iyo weftigiisaba, isaga oo madaxweynuhu yidhi alle ha idin karaameeyo hana idin sharfo, waad nasharafteene, wixii baahiyo ka jira gobolkana waxa aanu halkan maanta u marayno ayaa kow ka ah, diyaarna waxaanu u nahay mar walba in aanu idin barbartaagnaano ka xukuumad ahaan.
Madaxweynaha oo markii ay xafladu soo dhamaatay u sii dhaafay laascaanood, dhinaca tuulada ganbadha,halkaana dhagax-dhigay rug boolis oo ay odayaasha dhaqanka ganbadhi ka codsadeen in loo suuro geliyo madaama ay baahi wayn u qabaan, Rug boolis ama Saldhig boolis iyo xarun caafimaad iyada oo uu madaxweynuhuna ka aqbalay isla saacidiina u dhagax dhigay labadaasi gooboodba.
Ugu danbayna waxa uu madaxweynuhu kormeer ku soo maray fadhiisimada ciidamada qaranka Somaliland ee jiidaha hore ku sugan, isaga oo madaxweynuhu salaan ka qaatay ciidamada qaranka, ka dibna taliyaha ciidanka qaranka Sareeyo guuto Ismaaciil Shaqale iyo wasiirka gaashaandhiga Somaliland, ayaa ciidanka sharaxaaf ka siiyey madaxweynaha oo socod lug ah ku soo mariyey ciidamada halkaasi ku sugnaa badan kooda, sidoo kale waxa uu madaxweynuhu kormeeray xarumaha taliska ciidamada qaranka.
Daawo: Madaxweynaha Somaliland oo Si layaab leh Logu Soo Dhoweeyey Laascaanod iyo Ciidama Qaranka oo ku so Dhoweyey Jiidda Hore ee Gambadha+SAWIRO
Madaxweynaha Somaliland oo socdaalka uu ku marayo Dalka socdaalkiisani ka mid ahaa ayaa Fadhiisinka Gambadha ee Cidanka Qaranka ka dhagax Dhigay Laba Mashruuc oo ay xukumaddu hirgelinayso