Xafladan Xilka loogu kala Wareejinaayay Gudoomiyihii Hore Ee Togdheer Maxamed Maxamuud Yuusuf Ubaxle Iyo Gud/kuxigeenka Cusub
Ee Loo soo Magacaabay Maxamed Diiriye Xayd Dibjir
ayaa Maanta Lagu Qabtay . Xarunta Gobolka Togdheer,
Xafladan oo Ay Soo Buuxdhaafiyeen
Masuuliyiinta Ka Socotay Xisbiga Waddani Oo uu kamid ahaan jiray
Gudoomiye Kuxigeenka Cusub Ee Loo Soo Magacaabay Gobolka Togdheer
Mudane: Maxamed diiriye Xayd Dibjir Ayaa Waxa Kale oo Ka Soo Qaybgalay
Agaasimaha Gobolada Iyo Degmooyinka Ee Wasaarada Arimaha Gudaha Mudane:
Maxamed Cali Maxamed, Badhasaabka Gobolka Togdheer, Saraakiil ka socotay
Qaybaha Kala Duwan Ee ciidanka , Duqa Degmada Burco, Xildhibaano Iyo
Qaarkamida Madaxdhaqameedka Gobolka
Duqa Degmada Burco oo Xafaladaasi Furay
Ayaa aad Ugu Mahadnaqay badhasaabkuxigeenkii hore ee Togdheer Mudane
Ubaxle Waxqabadka Balaadhan ee uu kaga tagay Gobolka Tan Iyo Intii uu
xilka hayay Sidoo kalena Waxa uu aad usoo dhaweeyay Badhasaabkuxigeenka
Cusub Ee Togdheer Mudane:Dibjir: Waxaana Hadaladiisii Kamid ahaa”Waxaan
Joognaa Halkan Oo Ay Xilka kula kala wareegayaan laba oday oo aan aad
isu jecelnahay oo labadaydii garab ah Xilkuna waa qori isu dhiib oo waxa
loogu talo galay inuu ninba meel soo gaadhsiiyo,Sax waxay ku tahay in
maamulka cidi meel soo gaadhsiiso in Halkii uu kasii wado qofkii soo
gaadhaaba. Waana sunaha dawladnimo”
Badhasaab
kuxigeenkii hore ee togdheer mud:Maxamed maxamuud yuusuf Ubaxle, oo
halkaasi ka hadlay ayaa khudbad dhinacyo badan taabanaysa uu halkaasi ka
jeediyay, isagoo mr:Ubaxle Aad ugu mahadceliyay Cidkasta oo lasoo
Shaqeysay Iyo Madaxweynaha Somaliland oo uu Ku Hambalyeeyay Uguna Mahad
celiyay in uu xilka umagacaabao Muxaafad iyo Mucaaradba, sidoo kalena
Mr: Ubaxle waxa uu soo dhaweeyay Badhasaabka ku xigeenka cusub ee
gobolka togdheer Waxaana uu Yidhi ”Waxaan Aad ugu faraxsanahay in aan
maanta xilka ka dego iyado Burco Nabadgelyo ah, Wada fadhida Kaftamaysa,
Turxaan la,a , hadalka is odhanaysa Sunaha Dawladnimo ayaanay kamid
tahay, Aniga Xisibga Kulmiye Waxaan ku Biiray Anigoo Sanca Jooga Markaan
imina odayada galbeeka Burco cidbadani ka taageersanayn ayaa Anigoo
30 ilaa afartan oday Wada ayaan deero isugu iman jirnay oo uu cabdi
awdaahir uu qudhi tago ayaan kubiiray, maantana waa ilaahay mahadii in
uu Madaxweynaha Jamhuuriyada Somaliland Xilalka u qaybiyo Muxaafad iyo
mucaaradba, Walaalkey Mudane Maxamed Diiriye Xaydna Waxaan Balanqaadayaa
inaan la shaqeyn doono, Maxamed Diiriye Xaydna Laba Jeer Ayaanu Kulanay
Mar Waxay Ahayd Ollolihii Doorashadii Kulmiye ku guulaystay oo uu Udub
Ka socday, Marna Waa Maanta oo aan xilka ku wareejinaayo, Dadweynaha
Reer Burcana waxaan u balanqaadayaa, iminka oo aan xilka kadegay inaanan
noqondoonin masuul Dhagaxa tuura marka xilka laga qaado ama Xisbi kale
qabyaalad ku raaca ee aan kulmiye ka sii mid ahaan doono”
Badhasaab Ku xigeenka Cusub ee ee
gobolka Togdheer oo isna halkaasi ka hadlay Ayaa Yidhi” Waxaan aad uga
mahad celinayaa walaalkey gudoomiye kuxigeenkii hore ee togdheer Maxamed
Maxamuud Yuusuf Ubaxle hadalkiisiina aad baan usoo dhaweynayaa,
Bulshada Burco waxaan ka codsanayaa inay iigu duceeyaan in illahay ii
fududeeyo xilkaa la ii igmaday, iyo in ay ila shaqeeyaan, waxaan
bulshada ugu shaqeyn doonaa si cadaalada”
Badhasaabka Gobolka Togdheer Iyo
Agaasimaha Gobolada Iyo Degmooyinka Ee Wasaarada Arimaha Gudaha Iyo
Badhasaabka Togdheer Mudane Maxamed muuse Diiriye oo iyaguna halkaasi ka
Hadlay ayaa aad usoo dhaweeyay Gudoomiye ku xigeenka cusub ee Gobolka
Togdheer Mud: Maxamed Diiriye Xayd Dibjir, Sidoo Kalena Waxay aad ugu
Mahad Celinayeen Badhasaab Kuxigeenkii hore ee Togdheer Mud:Maxamed
Maxamuud Yuusuf Ubaxle iyo sida lama ilaawaanka ah ee uu ugu soo
shaqeeyay Bulshada reer Togdheer, Ugu Danbaytiina waxa ay
masuulyiintaasi xilka ukala wareejiyeen labada badhasaab ku xigeen,
Waxaanay Bulshada Reer Burco is waydiin doonaan halka ay ku danbaydoonta
Mucaaradnimada Gudoomiye kuxigeenka Cusub Ee Gobolka Togdheer Mudane:
Maxamed diiriye Xayd oo ka mid ahaan jiray xisbiga Waddani, Iyadoo sidoo
kale ay bulshada Reer Burco aad u arajaynayaan in Xil Kale lagu
dalacsiin doono Gudoomiye kuxigeenkii ee Gobolka Togdheer Mudane:Ubaxle
oo kamid ahaa masuuliyiinta ugu firfircoon ee gobolka Togdheer oo ay
bulshada Burco tabidoonto maqnaanshihiisa hadii aan xil loo magacaabin.
Daawo:Badhasabka Togdheer oo Xilkii u kala Wareejiyey Badhasakuxigenki hore iyo Badhasabkuxigenka Cusub
Xafladan Xilka loogu kala Wareejinaayay Gudoomiyihii Hore Ee Togdheer Maxamed Maxamuud Yuusuf Ubaxle Iyo Gud/kuxigeenka Cusub