Maamul Gobolleedka Puntland, ayaa markii lagaga guuleystay dagaalkii siyaasadeed iyo kii Milatari ee Somaliland ka dhexeeyay waxay dawladda Somaliland ku eedeeyeen inay la shaqeyso Al-shabaabta buuraha Galgala.

Wasiirka Wasaaradda Amniga Puntland Xasan Cismaan Aloore oo la hadlay idaacad ku taala Magaalada Boosaaso, ayaa sheegay in Somaliland cudud ahaan u taageerayso Al-shabaabka Galgala oo ay la leedahay iskaashi dagaal oo ka dhan ah Puntland.

Wasiirka Amniga Puntland, ayaa si gaar ah u bartilmaameedsaday Madaxweynaha Somaliland, waxaanu tilmaamay in safarkii Madaxwaynuhu ku tagay Bariga Sanaag uu ahaa mid Al-shabaabta Galgala dani u jirtay "Dunida oo dhan way ogtahay waana qar iska xoornimo” ayuu yidhi, Wasiirka Amniga Puntland oo xaqiiqooyinka jira iska indho tiraya.