Daafaca ayaa kaarka guduudan loo taagay ka dib markii garsoore Alberto Undiano Mallenco uu u arkay in Ramos uu qalad ku galay Neymar oo fursad u heystay inuu gooldhaliyo xerada ganaaxa dhexdeeda.

Madrid ayaa ku adkeysaneysa in Ramos uusan wax qalad ah ku gelin Neymar waxaana ay sidaasi darteed ay ka codsadeen xiriirka kubada cagta Spain in ganaaxa laga qaado ciyaaryahanka si uu u ciyaaro kulanka muhimka ee La Liga ee arbacada ee ay la leeyihiin Sevilla ee garoonka Sánchez Pizjuán.

Dhanka kale Los Blancos ayaa go’aansatay inaysan wax cabasho ah u gudbinin xiriirka kubada cagta Spain oo la xiriirta dhacdadii uu Sergio Ramos madaxa kaga istaagay Pepe.

Busquets, oo kaamirada ay qabatay isagoo madaxa kaga istaagaya Pepe ayaan la fileynin inuu wax ciqaab ah maro madaama ay Madrid go’aansatay inaysan wax cabasho ah ka gudbinin dhacdadaas.