QADAR DHACAY. GABAY CUSUB OO KA HADLAYA BURBURKII WADAHADALKA SOMALILAND IYO SOMALIA
QADAR DHACAY. GABAY CUSUB wana sidan,
Taariikhda noo qorantayee, lagu qasaaroobey
Eey qalindareeyeen hadaan, qeexo midheheeda
Qulub iyo wareerbaad kugeli, qaayis iyo ceebe
Soomaali nimankii qoqobay, qadiyayee boobay
Qorshe xumada maalmuhuna waa, qiiro iyo ciile
Qab markuu qab dhaafaa, dareen qoonsimaad imane
Qarni hore qiyaamooyinkii, qaybxumada keenay
Qaxii dhacay quruumihi madfaca, qorigu naafeeyey
Qaranimadi soomaliweyn qoonti, kala gaadhey
Quraanruugihii diinta iyo, qaadiyada lee,day
Qalalaase iyo boobku dhacay, quusna laga joogo
Qulubka iyo weesaaq labaday, qaalida haweenka
Qabriyada labuuxshiyo dadkii, qaadka lagu laayey
Qalad aan tirsaday oon maraba, qiranin somali
Quluubtaan kasaaraye hadeer, haygu soo qodine
Afartaa qorsheeyeye hadaa, qodob yar raacsiiyo
Qadyadeedu somaliland, waa qaraar jireye
Qorshahaa turkigu doonayaan, qaadan kari mayno
Qaramada midooboow hadaan, qodobadii buuxshey
Qaynuunka suudaan doraad, kala qiyaameeyey
Maqabyaaladaasaa sharciga, laygu qolo shegtay
Qowmiyada samaliland waa, mid qiimalehe
Qorshahay dhigteen baa dadkani, qalinku duugeene
Qaadoo dhig kuma soo noqdaan, qaababkii beriye
Quusna waxan ka joogaan markale, qaylo iyo beene
Qaabiilba haabiil markuu, qaanti ka idleeyey
Qalfoofkiisa waatuu sanado, qaatayee sidaye
Hayeeshee waxaydaan qaribin, sooma aan qodine
Qoondeeya soomaaliyeey, qoomamada taala
Inta aan qiyaamuhu sanqadhin, qira xuduudkayga
Qaramada midoobiyo hadaan, qaaradaha eegno
Qolowaliba waxay qaayibeen, qoobad loo xidhaye
Nin qurbaan lasiiyaa shirkii, qaawiyoo dilaye
Afartaa qorsheeyeye hadaa, qodob yar raacsiiyo
Qadyadeedu somaliland, waa qaraar jireye
Qorshahaa turkigu doonayaan, qaadan kari mayno
Xasanoow qaloocii dhacaa, nooma qaybsana,e
Qalad gelisey maandhow shirkii, qayla dhaan badane
Markaad qaaqle soo qora tidhaad, qodobki dhaafteene
Runta lagama qoofee haday, kugu qadhaadhaatay
Waxla qariyo qudhunbaa dhex gala, qaabadii shalaye
Quraafaadlayaashii ku yidhi, way qaribayeene
Qurdubaagu waa ceeb inaad, soo qadimataan
Quudutaabac weeyaan ragaa, qarash garayseene
Qorshahaad wadaa waa midaan, qiimo gelahayne
Qoomiyada dunidiyo hadaad, qaaradaha eegto
Qolowaliba waxay leeyihiin, qoobad loo xidhaye
Adigaan qardoofiyo la iman, qalado miisaanle
Inta aad qamaamyada qariban, soo qabqabanaysid
Qalad kuma metelo ruux qawedey, qayski aabihiye
Ninkii xamar qurbaan geeyeyoow, qiimahaa dhimaye
Afartaa qorsheeyeye hadaa, qodob yar raacsiiyo
Qadyadeedu somaliland, waa qaraar jireye
Qorshahaa turkigu doonayaan, qaadan kari mayno
QADAR DHACAY. GABAY CUSUB OO KA HADLAYA BURBURKII WADAHADALKA SOMALILAND IYO SOMALIA
Qaramada midooboow hadaan, qodobadii buuxshey Qaynuunka suudaan doraad, kala qiyaameeyey