Wasiirka Amniga Gudaha Somalia Iyo iyo Taliyeyaasha Ciidamada oo Kormeeray Qaybo ka mid ah Magaalada Muqdisho
.
Kormeerkan oo dhacay xalay ayay ujeeddadiisu ahayd u kuur-gelidda Amniga Caasimadda maadaama la galay Ramadaan, iyagoo socod ku maray waddada isku xirta Xaafadaha Laba-dhagax iyo Cali Kamiin oo ka tirsan degmada Wardhiigley ee Gobolka Banaadir, iyagoo shaah la cabay qaar ka mid ah dhallinyarada ku nool Laba-dhagax.
Mas’uuliyiintan ayaa intii ay Kormeerkooda ku jireen waxay Wasiiradda booqdeen koon-taroollo ciidamada Nabad-sugidda iyo Sir-doonka Dowladda Somalia u yaalla, kuwaasoo qayb ka ah qorshaha lagu sugayo amniga guud ee Caasimadda Somalia.
Ciidamada Ammaanka dowladda ayaa la arkayay iyagoo si gaar ah u ilaalinaya Amniga Masaajidda ku yaalla Degmooyinka Muqdisho qaarkoodoo lagu tuknayay Taraawiixda, iyagoo ku sheegay howshan inay tahay mid looga hortagayo weeraro ka yimaada Al-shabaab.
Wasiirka Amniga Gudaha oo ka hadlay kormeerkooda, ayaa sheegay inay kusoo gaba-gabeeyeen kormeerkooda Bankiga Dhexe ee SOmalia, uuna ahaa mid ay ugu kuur-galayeen sida ay u shaqeynayaan ciidamada Amniga ee sugaya Ammaanka Caasimadda Somalia.
Ugu dambeyn, Ciidamadda Nabad-sugidda iyo Sirdoonka Soomaaliya iyo Booliiska ayaa sameeyay diyaar-garoowgii ugu sarreeyay ee lagu sugayo amniga Muqdisho inta lagu jiro bisha Barakeysan ee Ramadaanka.
Wasiirka Amniga Gudaha Somalia Iyo iyo Taliyeyaasha Ciidamada oo Kormeeray Qaybo ka mid ah Magaalada Muqdisho
Muqdisho(AFKA)Wasiirka Amniga Gudaha Somalia, C/risaaq Cumar oo ay wehliyaan Taliyeyaasha nabadsugidda, Jen. Tuuryare, Asluubta, Jen. Bashiir Goobe iyo Booliiska, Jen. Maxamad Sheekh ayaa soo kormeeray Waddooyinka 30-ka, Warshadaha, Shaqaalaha, Wadda