Sida ay sheegeen guddida doorashooyinka ee dalka Itoobiya, waxa doorashadii dalkaasi ka dhacday ku guulaystay
xisbiga talada haya ee EPRDF, waxayna sheegeen in xisbul-xaakimku uu dhammaan kuraastii baarlamaanka oo tiradoodu tahay 547 ku guuleystay.
Itoobiya waxay doorashada ka dhacday bishii la soo dhaafay 24-keeda waxaana la sii saadaalinayay in EPRDF ay ku guulaysan doonto.
Sida lagu wado dowladda cusub waxaa soo dhisi doona xisbiga doorashada ku guulaystay ee EPRDF, inkasta oo xisbiyada Mucaaradka ahi ku gacan saydheen natiijada doorashada ee guddida doorashadu shaaciyeen.
EPRDF waxay Itoobiya ka talinaysay 24-kii sano ee la soo dhaafay. waxaana lagu tilmaamaa dalkaasi inuu dhaqaalihiisa kobcay walow dimoqraadiyad ahaan ayna jirin loolan doorasho oo furan.
Natiijada Doorashadii Itoobiya Oo La Shaaciyey, Yaa se ku Guuleystay Kuraastii Baarlamaanka Dalkaas
Sida ay sheegeen guddida doorashooyinka ee dalka Itoobiya, waxa doorashadii dalkaasi ka dhacday ku guulaystay