Wafti miisan culus oo u hoggaaminaayo Wasiirka Madaxtooyadda Somaliland, Mud. Xirsi Cali Xaji Xasan, ayna Xubno ka yihiin Wasiirka Hawlaha Guud Mud. Cabdirisaaq Khaliid Axmed, Wasiir ku-xigeenka Cadaalada Cabdirashiid Garaad iyo xubno kale.

Wasiirka Madaxtooyada oo saaladii Ciida la tukaday shacbiga Magaalada Laascanood, oo ciidani u ahayd mid ka duwan Ciidihii hore maadaama oo ay masuuliyiin culusi sannadkan la qaybsadeen farxada Ciidka, waxa hadal ka jeediyay goobti Salaada Wasiirka Madaxtooyadda Xirsi Cali Xaji Xasan, wuxuu Wasiirku shacabka rer Sool guud ahaan Gaar ahaan Laascanood ku ammaanay siday u soo dhaweeyeen wax qabadka kaabayasha Bulsho ee Magaalada ka socda. Sidoo kale Wasiirka Madaxtooyada wuxu shacbiga Gobolkaas ku hogatusaleeyay inay nabad gelyadu wadato horumarka ay bulsho ahaan u bulsho ahaan u baahan yihiin.

Geesta kale wuxuu Wasiirka Madaxtooyaddu ugu bushaareeyay inay Xukuumad ahaan si laban laabayaan horumarinta guud ahaan dalka gaar ahaan Degaanada Sool.

Markii Salaada laga soo dareeray, waxay waftigu kulamo kala duwan oo saacado dhaa dheer qaatay ay la yesheen qaybaha kala duwan ee Bulshada Gobolkaas, iyagoo la kulmay Madax dhaqameedka, Dhalinyaradda, Haweenka iyo qaybaha kale bulshada, kulanadaas oo laysku way daarsaday sidii Gobolka Sool iyo Laascanoodba loo gaadhsiinlaha Gobolada kale loona adkayn laha nabad gelyada Degaanka oo wax kasta ka horeysa, dhinacooda shacbiga Laascanood ayaa si weyn u majiirtay baaxada horumarka la taaban karo ee Magaalada ka hirgalay muddadii ay Xukuumadda Somaliland gacanta ku haysay, kuwaas oo isugu jira, Jaamacadaha, Madaarka, Wadooyinka, Iskuulo dhawaan qaarkood la dhagax dhigay oo ay ku baxayso Hal miyan oo Doolar, iyagoo sheegay inay arrimahaas oo dhami ku hirgaleen nabada ka aslaaxday, geesta kale waxay ballaan qadeen inay meel uga soo wada jeesan doonaan wixii kharbudaaya deganaanshaha Sool iyo Laascanoodba, Waftiga ayaa ilaa hadda ku sugan Magalaadaas.