In hooyooyinka uurka leh ay isticmaalaan saliid kalluun waxba kuma kordhiso koritaanka maxkasda ilmaha ay wadaan, sida lagu sheegay cilmi baaris cusub oo la sameeyay.

Dumarka uurka leh ayaa loo xayaysiin jiray saliidda Kalluunka.

Laakiin cilmi baaris socotay muddo toban sano ah oo lagu sameeyay 2,500 dumar ah oo uur leh ayaa lagu ogaaday in aysan saliidaasi waxba ku kordhinin garaadka carruurta uurka ku jirta sida ay sheegayso cilmi baaris ay sameeyeen dad reer Australia ah.

• England: Ardayda dhaqaatiirta oo la kordhinayo 25%
• Xaaladda caafimaad ee caruurta Suuriya oo laga dayrinayo
• 'Carruurta Tanzania oo ugu caafimaad badan adduunka oo dhan'
• Muran ka taagan hannaanka caafimaad ee Obamacare
• Buhari: Weligay sidan oo kale uma xanuunsan

Cilmi baaristan ayaa tilmaantay in saliidda kalluunku ay wax yar u roontahay uurka laftiisa, balse arrintaasi ay u baahan tahay in cilmi baaris dheeri lagu sii sameeyo

Dr Jacqueline Gould oo ka mid ah cilmi baareyaasha warbixintan ayaa BBC-da u sheegay in ay wanaagsan tahay in haweenku ay qaataan cunto dheelitiran balse saliidda kalluunku aysan waxba ku kordhinaynin koniinka maskaxda ee ilmaha.