Kolonyo ka tirsan ciidamada Kenya ee qeybta ka ah Midowga Afrika ee AMISOM ee ku sugan Gobolka Gedo ayaa waxaa lagu waramayaa in weerar Jidgal ah ku qaadeen Al-shabaab.

Wararku waxaa ay sheegayaan in Al-shabaab gadiidka ay la socdeen ciidamada Kenya ku weerarreen Qarax Miino, ciidamada ayaa la sheegay in ay ku sii jeedeen deegaanka Faxfax-dhuun ee Gobal Gedoi, iyaga oo sahay u siday ciidan halkaasi ku sugnaa.

Dadka deegaanka ayaa waxa ay sheegeen qaraxan in uu haleelay mid ka mid ah kolonyada ciidamada Kenya, iyadoona dhawaaqa Qaraxa si aad ah looga maqlay deegaano iyo Tuulooyin u dhaw goobta qaraxa uu ka dhacay.

Al-shabaab oo masuuliyadda qaraxan sheegtay ayaa waxaa ay sheegeen Qaraxan uu qabsaday gaari Beeba ah, islamarkaana uu khasaare soo gaaray ciidamadii la socday.

Ma jirto ilo rasmi ah oo xaqiijinaya khasaaraha dhabta ah ee ciidamada Kenyan-ka ka soo gaaray qaraxaasi Miinada ah ee Al Shabaab wadada ugu aaseen ciidamada Kenyan-ka.

Gobolka Gedo ayaa inta badan waxaa ka dhacay weerarradan ugu badan oo Al-shabaab ay ku qaadaan ciidamada Kenya ee ka howlgala deegaannada gobolka.