Xorriyada hadalka ee jirtaana maaha in loo adeegsado qaab ka baxsan akhlaaqda wanaagsan iyo iksu dirka bulshada Asalaamu Calaykum.
Nimcada hadalku waxay ka mid tahay ninimcooyinka waaweyn ee Allah(SW) ugu deeqay ban’idamka. Waxaana muhiim ah in dhawaaqa hadalka looga faa’idaysto dhinaca wanaagga khayrka iyo horumarka mid adduun iyo kan Aakhiraba.
Dhawaaqa, iyo qoraalka qofka ka soo baxaya wuxu tilmaamaya xaqiiqda caqligiisa iyo debeecadda akhlaaqdiisa.
Culimadu waxay ku taliyaan in ka hor intaanu qofku hadal inuu is waydiiyo bal inay jiraan wax ku qasbaya inuu hadlo iyo inkale..? Haddii ay jirto waa inuu khayr ku hadla , haddii kalena ha iska aamuso.
Waxa jir dad aanu hadalku ka go’in carbkooduna aanu joojinayn dhaqdhaqaaqa, kaasi oo ah mid dad gaar ah lagu dhibayo oo bulshadana kala fogaynayo.
Arrinkani wuxu keenaya in aan hibada Allah (SW) ku siiyay aanad
uga fa’idaysan sidii loogu talogalay oo ahayd dhinac khayrka iyo wanaagga.
Xorriyada hadalka waa baahi la isla gartay in aan lagama maarmi Karin, waayo waa in qofku si xor ah oo aan culays saarayn uga faa;iidaysto maskaxadiisa, una fikiro waxna u curiyo, una hadli karo, una noolaan karo, cibaadadiisana si madax banaan u guto iyadoo aanay jirin wax iska hortaagaya.
Arrimhaasi dhamaantood dhinac islaamka marka laga eegayo waa inay ku dhisnaadaan akhlaaq toosan, oo aan ka hor imanayn inay bulshada akhlaaq burbur , fawdo iyo amaan darro ku keenaan…, ama loo hadlo sidii la rabo iyadoo aan dabar iyo xakame jirin taasi oo noqonaysa mid sharciga iyo caqligu diidayo oo aan xumaan mooyee wanaag bulsho ku jirin.
Qoraalada iyo dhawaaqyada aan ku fadhyin run , iyo xikmad ee warbaahinta laga tebinayo waa mid aan wanaag ku jirin, Qofka dhegaysanaya am aka akhriyaya wuxu u malaynayaa in aan hadalkoodu ka soo baxayn caqli si fiican u baraarugsan oo shaqaynaya.
Waxaana lagu qiyaasi karaa in caqliga iyo carabka hadalku ay kala go’an yihiin, marka wax kasta uu ku dhawaaqo.
Xikmad :" Caaqilka Carabkiisu Caqligiisa ayuu ka danbeeya”
Maqaalka uu qoray Said A. Dualeh ee cinwaan looga dhigay Wasiirka Madaxtooyada bar madaw ayuu ku yahay nidaamka dawaladeed.
Waa maqaal ay ka buuxdo hadalo aan loo baahnayn oo aad moodo in cadho ka muuqato, waxase fiican qofka wax tabanayaa inuu si degan u sheegto isagoon dhex gelin wax aanu hadhaw cadaynteeda heli Karin oo aan Adduun iy Aakhriba faa’iido u lahayn.
Ma haysid Saciidow mana jirto Xukuumad ha dhowaato ama ha fogaatee ka shakiday Wasiir Xirsi oo ku tilmaantay aragagixiso, qoraalkuna waa inuu ku fadhiya xikmad iyo in aan laga bixin xayndaabka runta iyo wanaagga ee dhaqanka islaamka.
Xorriyada hadalka ee jirtaana maaha in loo adeegsado qaab ka baxsan akhlaaqda wanaagsan iyo iksu dirka bulshada ee waa inay noqotaa mid u adeegaysa wanaag isu sheegidda iyo reebidda xumaanta, taasi oo ah ta horumarka lagu gaadhayo. " Hadal waa murti”
Akhlaaqda wanagaasni waa khayr in lagu hadlo ama in la iska aamuso tasi oo ah dhamaystiranka xorriyadda bulshada oo dhan.

" Hadal lama badiyo, lamana biiyo, basar xumana looma yidhaahdo”