Hay’adaha amniga, ayaa waxay baadigoob ugu jiraan nin dhalinyaro ahaa oo sawirkiisu ay Talaadadii baahiyen, loogana shakisan yahay inuu ka masuul ahaa qaraxan. Kaamirooyinka ku xiran wadooyinka soo gala halkaasi, ayaa waxaa laga arkaayay nin dhalinyaro ah oo mooto ku keenay qaraxa, xilli boorso madow uu ku soo qariyay, dhigayna meel dacalka ku haysa macbadkaasi.
Qaraxaasi, ayaa waxaa ku dhimatay 22 ruux, iyadoo in ka badan 100 kalana ay ku dhaawacantay, sida ay sheegeen Saraakiisha Booliska Ee Magaalada Bangkok.

Ra’iisal Wasaaraha Thailand, Prayuth Chan-ocha oo ka hadlaayay qaraxaasi, ayaa ku sheegay midkii ugu xumaa ee ebid ka dhaca Xarunta Wadanka Thailand Ee Magaalada Bangkok.
Ra’iisal Wasaaraha, ayaa cadeeyay laamaha amnigu inay ku mashquulsan yihiin baaritaanada cidii ka dambeysay. Waxa uuna ku hanjabay inay cadaaladda la tiigsanayan shakhsi kastaa oo lagu helo inuu ka masuul ahaa qaraxaasi.

Illaa iyo hadda ma jirtcid si rasmi ah u sheegatay masuuliyadda qaraxaasi, sidoo kalana waxaan jirin cid gaar ah oo ay weli Xukuumadda Bangkok ku eedeysay qaraxa.

Contact@afkashacabka.com