waxu yelayo haddii xilka laga qaado iyo inu jabhaddii dib ugu noqonayo iyo in kale
Dr.Saleebaan Ciise Axmed (Xaglatoosiye) Wasiirka Caafimaadka JSL ayaa markii ugu horaysay wax laga waydiiyay in aanu ka quusan jabhadii SSC sido kalan hadiiba uu xilka waayo uu dib u qaadayo wadadii jabhadaynta ee SSC ayaa ka dhaartay in aanu qori danbe qaadanayn kana shaqaynayo isku duubnida bulshada reer Somalilnd waxanu hadalkiisa ku bilabay "Waxan ahaa hogaamiyihii SSC , Madaxwaynaha heshiis ayanu galnay heshiiskaa ayaan ku joogaa ku shaqeeyaa alxamdulilahi maalintii aanu heshiiska gaadhnay Madaxwaynaha colaad danbe iyo dhib danbe kama dhicin goboladaasi (Buuhoodle & Sool) qabyaaladii ma jirto oo shirkii ugu danbeeyay waakaa Coodanle ka dhacay ,tii siyaasada waanu dhamaynay hadii aan xilkayga waayo oo lay badalo nabadaa iyo horumarkaas ayuunbaan sii wadayaa xabadii dib ugu celin maayo waanan ka soo horjeedaa in xabad danbe ka dhacdo deegaankaasi laakiin wararkani sheegaya inan dib u noqonayo ma jirto .”
Wasiirka Caafimaadka Somalilnd oo sii hadalya ayaa sheegay in Madaxwaynuhu xaq u leeyahy in uu xilka ka qaado iyo inuu Xukuumadiisa ka sii mid ahaado balse waxa uu wasiirku ku adkaystay in aanu marnaba ka noqonayn heshiiskuu la galay Somalialnd waxanu yidhi "Madaxwaynahaa i magacaabay isagaa xaq u leh haduu i badalayo iyo hadii kale ,laakiin heshiiskii aan la galay Somaliland waa halkiisii Ninka ragga ahi waa inuu go’aanyeeshaa ,anigu Somaliland umaan iman inaan wasiir noqdo laakiin waxan u imi in dadkaygu horumar gaadhaan ,xuquuqdooda helaan , nabad inay helaan baan u imi hadii aan wasiir ahay iyo hadii kalaba taas ayaan ku shaqaynayaa ”
Wasiir Xagla toosiye oo ka hadlaya waxa ka fulay heshiiskuu la galay Madaxwayne Siilaanyo ayaa yidhi "Madaxwaynuhu heshiiskii aanu gaadhnay wuu fuliyay reer Somalilnd alaa is baday way dhamaatay wakhtigii qabiilku waa inaynu nabad ku noolaanaa go’aankayguna go’aan shakhsi maaha ee waa mab’da Somaliland na waa muqadis ”ayuu yidhi Saleebaan Xagla toosiye Wasiirka Caafimaadka JSL.
Daawo: Wasiir Xaglatoosiye oo lagu waraystay Barnaamijka Milicsiga Siyaasiga ee UNIVERSAL kana jawabay Su'al laga waydiiyey
waxu yelayo haddii xilka laga qaado iyo inu jabhaddii dib ugu noqonayo iyo in kale