Qaramada Midoobay iyo Ururka Dhakhaatiirta Aan Xuduuda Lahayn Ee MSF Oo Canbaareeyay Weerarka Lagu Qaaday Cisbitaalkooda Kunduz
0 - Visits: 786
-
- Share
Ururka Dhakhaatiirta aan xuduuda lahayn MSF ayaa eedeeysay weerar duqeyn ah oo lagu qaaday isbitaal ay maamusho MSF ee ku yaal Kunduz.
Hay’ada MSF ayaa sheegtay ugu yaraan sagaal kamid ah dhakhaatiirteeda ay ku dhinteen weerarkan qaar kalana lagu la’ yahay duqeynta.
Duqeyntan oo socotay muddo soddon daqiiqo ah ayaa waxaa ay sababtay in 37 ruux ay ku dhaawacmaan kuwaas oo 19 kamid ah ay ahaayeen shaqaalaha hay’adda MSF.
Inkabadan boqol bukaan ah ayaa ku jirtey isbitaalka iyo weliba dad qaraabo ay ahaayeen, hase yeeshee lama yaqaan inta ruux ee ku dhimatay duqeyntan,
MSF ayaa sheegtay in dhinayada duqeynta ka dambeeyay ay wargeliyeen goobta isbitaalka uu kaga yaal magalaada Kunduz. Afhayeen u hadlay ciidamada Maraykanka ee Afghanistan Col Brian Tribus ayaa sheegay in ciidamada Maraykanka ay duqeyn u geysteen magaalada Kunduz iyagoo bartilmaameedsaday shaqsiyaad ammaanka halis gelinaya. Hase ahaatee afhayeenka ayaa qirey in ay dhici karto in duqeyta ay waxyeelo u geysatay xarun caafimaad haatan baaritaan lagu sameynayo.
Dhinaca Kalena Madaxa arrimaha banii aadminimada ee Qaramada Midoobay ayaa ka hadlay Duqaymihii xagga cirka ahaa ee lagu qaaday Isbitaalkii ku yaalay magaalada Kunduz ee ay ku dhinteen 19 qof Waxana uu y idhi "waxa uu ahaa masiibo, arrin aan la aqbali karin iyo xataa in ay dhici karto in ay dambiilenimo ahayd" ayuu yidhi
Qaramada Midoobay iyo Ururka Dhakhaatiirta Aan Xuduuda Lahayn Ee MSF Oo Canbaareeyay Weerarka Lagu Qaaday Cisbitaalkooda Kunduz
Ururka Dhakhaatiirta aan xuduuda lahayn MSF ayaa eedeeysay weerar duqeyn ah oo lagu qaaday isbitaal ay maamusho MSF ee ku yaal Kunduz.