"Gudoomiyeyaasha cusub ee degmooyinka waxaan is leeyahay inay marxalada meesha ay hada joogto ee ammaanka inay sare u qaadi doonaan, waxaan aaminsanahay in amniga uu wanaagsanaanayo mooye in aanu ka sii dari doonin”ayuu yidhi Wasiir Guuleed.

Mar la weydiiyay qorshayaasha Xukuumada ee dhismaha maamulada degmooyinka ayuu xusay inay rajeynayaan in dhowaan laga baxo magacaabida, ayna bedesho in dadku ay soo doortaan cidii matali laheyd.

"Heerka Amniga hada la joogo in la dhameystiro, sidii degmooyinka iyo deegaanada doorasho loogu gudbi lahaa, inuu meesha la baxo soo magacawga, in dadka ay soo doortaan cidii matali laheyd ayuu qorshuhu yahay”ayuu yiri Wasiir C/kariin Guuleed.

Wasiir Guuleed ayaa xusay in Gudoomiyeyaasha cusub ee degmooyinka Gobolka Banaadir ay yihiin dhalinyaro aqoon leh, taasoo uu tilmaamay in sababta loo soo xushay ay qeyb ka tahay in is bedel la taaban karo in caasimada ku soo kordhiyaan.

Is bedelada lagu sameynayay Gudoomiyeyaashii mudada xilka hayay ee degmooyinka Gobolka Banaadir ayaa waxaa la sheegaa inuu ahaa qorshe guud oo dowladda odhan ogeyd, iyadoo Madaxweynaha Soomaaliya Xasan Sheekh uu awood u siiyay Gudoomiyaha Gobolka Banaadir inuu is bedel ku sameeyo Gudoomiyeyaasha, isagoo la kaashanaya Wasaarada Arrimaha Gudaha iyo Federaalka.

Afkashacabka.com
Hargaysa/Office
Contact@afkashacabka.com