Manchester United Oo Old Traffrod Guul Muhiim Ah Kaga Gaadhay Kooxda Crystal Palace
Manchester United ayaa Old Traffrod ku soo dhawsay kooxda Crystal Palace oo kalsooni ka soo heshay kulankii Etihad Stadium ee ay Arsenal barbaraha la soo gashay, waxayna Red Devils diirada ku haysay in ay talaabo hore ugu sii qaado kaalinta afraad oo ay tartan xoogan ugu jirto.
Tababare Luis Van Gaal ayaa shaxdiisa ku soo bilaabay kabtanka kooxdiisa ee Wayne Rooney, waxaana markale weerarka ka wada ciyaarayay Martial iyo Rashford. dhinaca Crystal PalaceAdebayor ayaa ku soo bilawday shaxda kooxda martida ahayd ee Palace iyada oo Zaha uu ka hor yimid kooxdiisii hore ee Red Devils.
SHIXIHII LABADA KOOXOOD EE KULANKAN:
Man United (4-2-3-1):De Gea; Valencia, Smalling, Blind, Darmian; Lingard, Schneiderlin; Mata, Rooney, Martial; Rashford.
Kaydka:Romero, Fosu-Mensah, Rojo, Young, Fellaini, Herrera, Depay.
Crystal Palace (4-3-2-1):Speroni; Kelly, Mariappa, Delaney, Souare; Jedinak, Cabaye, Lee; Zaha, Sako; Adebayor.
Kaydka:McCarthy, Dreher, McArthur, Mutch, Puncheon, Campbell, Wickham.
Manchester United ayaa qaybta hore ee kulankan hogaaanka ku haysay gool kaliya oo uu si qalad ah iskaga dhaliyay xidiga kooxda Crytal palace eeDamien Delaney kaas oo si lama filaan ah kubbada shabaqa kooxdiisa ugu duway, wuxuuna goolkan iska dhaliyay daqiiqadii 4 aad ee bilawgii ciyaarta taas oo Red Devils ka caawisay in ay 1:0 hogaanka ciyaarta ugu qabto.Lingard ayaana sabab u ahaa in uu xidigani uu goolkan iska dhalyo,
Laakiin qaybta hore ee ciyaarta ayaa ahayd mid ay fursad abuurista halista ahi ay ku yartahay laakiin Crystal Palace ayaa si uun ku raadinaysay in ay iskaga soo celiso goolka hogaanka looga qabtay laakiin qaybta hore ee ciyaarta ayaa ku dhamaatay 1:0 ay Man United hogaanka ciyaarta ku haysay.
Markii layskugu soo laabtay qaybtii danbe ee ciyaarta Manchester United ayaa markiiba heshay goolkeeda labaad waxaana daqiiqadii 55 aad gool qurux badan Man United u saxiixay difaaceeda Matteo Darmian kaas oo ciyaarta ka dhigay 2:0 ay Man United hogaanka ku dheeraysatay.
Si kastaba ha ahaatee ugu danbayn ciyaarta ayaa ku dhamaatay 2:0 ay Man United ku gadhay guul muhiim ah iyada oo yeelatay 59 dhibcood waxayna wali haysataa fursad ay ugu soo bixi karto Champions Leaque-ga inkasta oo kooxaha Arsenal iyo Manchester City ay wali dhibco ka horeeyaan.
Manchester United Oo Old Traffrod Guul Muhiim Ah Kaga Gaadhay Kooxda Crystal Palace
Man United ayaa garoonkeeda Old Traffrod guul kaga gaadhay kooxda Crystal Palace waxayna guushan ku gaadhay 2:0 iyada oo xidiga Crystal Palace eeDamien Delaney uu gool si qalad ah uu iskaga dhaliyay uu hogaanka ugu dhiibay Man United halkaMatteo Darm