Dawlada Turkiga, ayaa Ku Dhawaaqday in Somalia u dirtay Markab sida shixnad gargaar ah oo kala duwan, taasoo loogu talo-galay in lagu caawiyo shacabka Soomaaliyeed.

Hay’adda Gar-gaarka deg-degga ah ee dalka Turkiga, ayaa Warbixin ay soo saartay waxay ku xustay in shixnad gaaraysa 11,000 oo tan ay u dirtay Somalia , si loo caawiyo shacabka Soomaaliyeed ee dhibaateysan.

Guddoomiyaha Hey’adda Fuad Oktay, ayaa sheegay in shixnadan ay tahay mid loogu talo-galay shacabka Soomaaliyeed ee ay abaarihii waddanka ku dhuftay dhawaan ku yeesheen saameynta.

Ugu dambeyn, Turkiga ayaa horay kaalmo bani’aadanimo u gaarsiiyay Somalia, wuxuuna ahaa Wadankii u horreeyay ee soo gurmaday shacabka Somaaliyeed xilli ay abaar baahsan oo macluul sababtay ay ku dhufatay Somalia Sannadkii 2011-kii."Waxaan gar-gaarkan ugu talo-galnay in lagu caawiyo shacabka Soomaaliyeed ee dhibaatooyinku ku haystaan Somalia oo dhan, waa muhiim inaan caawinaa guud ahaan hooyooyinka Soomaaliyeeed,” ayuu yiri Fuat Oktay.