Madaxa Wasaarada Caafimaadka ee Gobolka Saaxil Dr Sare Abdirahim A Dualeh ayaa si hufan, oo qoto dheer oo kooban uga jawaabay maqaal uu warbaahinta internetka ku qoray nin sheegtay inuu Dr yahay

	


		waxaana Dr Abdurahim hal hal u qaada dhigay doorka iyo waxqabadka

		xukuumada Madaxweyne Axmed Maxamed Siilaanyo ay ka geysatay

		horumarinta adeegyada caafimaadka gobolka saaxil iyo sida wasiirka

		wasaarada caafimaadku ugu hagar baxay gacansiinta Caafimaadka guud

		ahaanba gobolka saaxil, sidoo kale waxaa diktoorku faahfaahin dheeri

		ah ka bixiyey oo daaha ka qaaday heerka uu maanta marayo caafimaadka

		gobolku iyo horumarka shacabku maraga u yahay ee uu gaadhay mudadii uu

		xilka hayey Dr Abdurahim, isagoo shakhsiga maqaalkaasi qoray si

		khibrad, aqoon iyo kalsooni ku dheehan tahay u hoga tusaaleeyey

		waxyaabaha waxba kama jiraanka ah ee loogu sheekeeyey ee shakhsigaasina

		hubsiimo la,aan la haf yidhi, waxaanu qoraalka Dr Abdurahim u dhignaa

		sidan.
	


		Aad iyo aad ayaan kaaga mahadcelineynaa inaad ila wadaagto wixii aad

		ku aragtey labada xarumood,l intii aad ka aragtey wakhtigii aad ku

		sugneyd wadankeena Hooyo ee Somaliland .

		

		"Run ahaantii Xukumadan uu hogaaminayo Ahmed Mohamed Mohamoud Silanyo

		iyo Wasaarada Caafimaadkuba oo uu maanta madaxa u sareeyaa yahay Dr

		Suleyman Ahmed Ciisa , ahmiyad weyn ayay siiyeen sidii kor loogu qaadi

		lahaa adeegyada Caafimaadka ee gobolka Saaxil , wuxuuna suurtogaliyey

		Wasiirkii hore ee Caafimaadku Dr Xussein Muhumed Mohamed uu gobolka ka

		bilaabey sannadkii 2011 mashruuca Xidhmooyinka Caafimaadka Asaasiga

		Muhiimka ah (Essential package of health system), taasina waxay

		keentey in adeegyadii caafimaadka ee gobolka kor loo qaado, lana

		kordhiyo xarumaha adeegyada Caafimaadka fidiya.

		

		Waxay Gobolka ka yegleelan 25 xarumo caafimaad oo maanta shaqeynaya ,

		tayadoodana kor loo qaadey, kana hawlgalaan hawl wadeeno Caafimaad oo

		wadanka gudihiisa iyo dibadiisaba ka soo baxay.

		

		Hadaan u soo noqdo arinta Cisbitaalka Sheikh eed i xasuusineyso, waxa

		isugu keen dambeysey Wakhti dheer oo ku beegnaa Xagaagii hore , markii

		xafiiiska Caafimaadka Gobolku uu ahaa Cisbitaalka Caafimaadka Maskaxda

		Berbera Dabadiisa , taas oo uu ahaa dhismahaasi mid ku kiro ahaa

		maamulka caafimaadka Gobolka,, runtii wakhtigaas wey jirtey in

		Roobabkii ka da'ay gobolku sababtey in uu darooro wakhtigaas,, lakin

		sidaad la socoteyba waxaan arinkaas u gudbiney wasaarada caafimaadka

		iyo Maamulka gobolka saaxil oo u horeeyey Gudoomiyihii Gobolka Saaxil

		Ali Mohamed Elimi, Taas oo lala xidhiidhey Shirkadii markii hore

		dhistey cisbitaalkaas, iyagiina ay balan qaadeen iney wax ka qaban

		doonan dhismaha Cisbitaalka maadaama u yahay dan guud oo dadweynuhu u

		simanyahay.

		

		Waxayna ku guuleysteen in ay dayactir ku sameeyeen dhamaan dhismaha

		sare ee Cisbitaalka.. maantana roobabkii da'ay ma daroorin dushii sare

		cisbitaalku...taana waxay ku timid qorshayaasha maamulka Caafimaadka

		Gobolka oo ay iskaashanayaan Guddida firfircoon ee Degmada Sheikh ay

		leedahay.

		

		Waxaan cisbitaalka loo dhisey farmasigii oo bilic ahaan iyo dhismo

		ahaanba kor loo qaadey , iyadoo loo dhameystirey adeegyadii

		Shaybaadhka oo kharash badan ku kacay....intaas waxa dheer in

		Cisbitaalka Sheikh lagu rakibey Solar system ah 9 kw taas oon rajo

		weyn ka qabno in adeegyada aan ka fidino xaruntu ay balaadhin doonan

		xili kastana la heli karo.. Waxa dib u dhis lagu sameeyey Tiyaatarka

		Qaliinka iyadoo qalab tayadiisu sareyso lagu qalabeyn doono bishan soo

		socota.... Intii aad wadanka ka soo maqneyd waxa magaalada la geliyey

		Laydh ay leedahay Shirkada BADAR oo shaqeyneysa 24 saacadoodba , taas

		oo laydhka u geliyey cisbitaalka, cisbitaalkuna ugu deeqeen shidaalkii

		ay ku shidi jireen mishiinka cisbitaalka.

		

		Waxa maanta cisbitaalka ka hawl gala 3 dhakhtar ,oo laba kamidi ay

		yihiin Ajaanib, ku takhasusey xanuunada Haweenka (Gyneocology and

		obstetrics ) iyo qaliinka Guud(General Surgery) , taasina waxay kor u

		dalacdey dadweynihii isticmaalayey adeegyada cisbitaalka, waxayna

		diiwaanka cisbitaalku muujinayaa in qaliinka looga yimaado markii la

		arkey jabnaantiisa ilaa GAASHAAMO , maantana cisbitaalka waxa lagu

		sameeyaa qaliimo aan gobolkaba laga sameyn jirin sannadihii hore, ..

		

		Waxa sanadkan qorshaha ugu jira cisbitaalka Degmada sheikh in la

		kordhiyo shaqaalaha oo maanta ah , 44 qof , si loo dhameystiro dhamaan

		shuruudaha cisbitaal degmo uu leeyahay.

		

		Waxaan dareensanahay in aan wax weyn ka qabanay adeegyada Caafimaadka

		Cisbitaalka Sheikh ,korna u qaadney bilicda iyo nidaamka ururinta

		irbadaha oo hab cad oo badbaado loo jideeyey, waxaanan ogsoonahay in

		aan horumarku maalin iyo lababa aanu ku iman ee u baahanyahay Takhdiid

		dejisan oo sannado badan ah.

		

		Maamulka Gobolka Saaxil wey caawiyaan Caafimaadka Gobolka ha ugu

		horeeyaan Dekeda, Dowlada Hoose ee Berbera iyo Xafiiska Gudoomiyaha

		Gobolka iyo gudida Caafimaadka Gobolka Saaxilba.

		

		Waxa kaa muuqda Gardaro iyo Gef aad nagula kacayso oo aad usoo

		badheedhey , adigoo aqooon wanaagsan ii lahayn... Madaxweynaha

		Jamhuuriyada Somaliland Anagaa Dooraney, waana Madaxweynaha wadanka u

		hayaamiyey hab iyo hanaan wax lagaga bedalayo dhinac kasta oo arimaha

		bulshada ah , kana marag kacayaan horumarka uu dalka gaadhsiiyey

		indhihii saliimka ahi... Madaxweynuhu Cisbitaalka sheikh Isagaa furey

		, bixiyeyna kharashkii u horeeyey ee lagu hirgelinayey hanaan

		socodkiisa.. Dadka reer sheikh iyo maamulka Gobolkuna abaal weyn ayay

		ugu hayaa, talaabada lagu dhiiradey in cisbitaalkan la furo..

		

		Waxa weli maskaxdeyda ka dagi la , qaybo kamida qoraalkaaga oo

		qoosimaad leh,, Arimaha Caafimaadka Gobolkana waxa masuul ah,

		masuuliyiin kala sareeya oo min heer tuulo, degmo , ilaa gobol

		leh.................Marwalbana anagu waxaan nahney rag ku xidhan

		madaxda gobolkayaga taasina waa ta noo sahashey horumarka balaadhan ee

		xaga caafimaadka ah ee ka jira Gobolka.

		

		Qaafkan aad soo qortey wuu kaa qaldamey inadeerow.... una meel dayo

		hadaladaada .

		

		Cidkasta oo ay daacad ka tahay waxay bulshadooda u qabanayaan , oo aan

		ahayn qawleysato iyo kuwo qiiro gaabani hayso waanu soo dhaweyneynaa,,

		dadka Diaspora ahina markasta wey caawiyaan Caafimaadka gobolka saaxil

		, waanan ugu mahadnaqeynaa waxtarkooda muuqda ee ay ula heelan yihiin

		dadkooda adeegyada caafimaad u soo doonayana xarumaha caafimaadka

		Gobolka Saaxil.

		

		DR Abdirahim A Dualeh

		Sahil Regional Medical Officer
	
Berbera / Somaliland