Xiddigaha ka maqan Atletic Madrid: Tiago, Javier Manquillo iyo Filipe Luis Kasmirski

Xaqiiqooyinka ciyaarta:-

Kani waa kulankii ugu horreeyay ee dhexmara kooxahan AC Milan iyo Atletico Madrid.

Milan rikoor fiican kama heysato marka ay la ciyaarayaan kooxaha Spain ka socda.

AC Milan ayaa badisay kaliya halmar 13-kii kulan ee ugu dambeeyay oo ay la ciyaartay Champions league kooxaha Spain ka soo jeeda, lix jeer waa laga badiyay, lix kalena barbaro ayey la gashay, guushii ugu dambeysay oo ay ka gaartay koox Spain ah waxaa ay aheyd Barcelona oo 2-0 ay ugu badisay bishii February 2013.

Atletico Madrid ayaa guul gaartay dhammaan saddexdii kulan ee ugu dambeeyay oo ay la ciyaartay kooxaha Italia ka soo jeeda dhammaan tartamada oo dhan, siddeed goolna waa ay ka dhalisay.

AC Milan ayaa u soo baxaysay wareeggan 16-ka afar ka mid ah shantii xilli ciyaareed ee ugu dambeeyay Champions league.

Milan ayaa guul gaartay kaliya labo jeer 12-kii kulan ee isreeb reebka Champions league, saddex barbaro ayey gashay, waxaase laga badiyay 7 jeer.

Waa markii saddexaad oo qura in Atletico Madrid taariikhda ay soo gaarto wareegga wijigan kala harka ah kaddib sanadkii 1996/97 oo ay gaartay wareegga siddeed dhammaadka iyo 2008/09 oo ay soo gaartay wareegga 16-ka.

Atletico Madrid ayaa ka mid ah saddex koox oo aan ilaa iyo haatan laga badin xagaagan Champions league, waxaa rikoorkaas la wadaaga Manchester Utd iyo Real Madrid.

Midna loogama dhalin AC Milan garoonkeeda San Siro wax ka badan labo gool siddeedii ciyaar ee ugu dambeeyay Champions league, shan ka mid ah ayaa ku dhammaaday barbaro.

Mario Balotelli ayaa dhaliyay toddobo gool 27-kulan ee ugu dambeeyay uu ciyaaray Champions league, saddex ka mid ah waxa ay goolashaas ahaayeen rigoore.

Diego Costa ayaa dhaliyay afar gool saddexdii ciyaar ee ugu dambeeyay uu ciyaaray Champions league.

Atletico Madrid ayaa badisay saddex jeer siddeed mar oo ay booqatay Italia.

Tababaraha AC Milan Clarence Seedorf ayaa siweyn looga garanayaa Champions league, maxaa yeelay isagoo ciyaaryahan ayuu koobkan ku guuleystay afar jeer isagoo ka tirsanaa saddex koox oo kala duwan, haatan kulankiisii ugu horreeyay ayuu ka soo muuqan doonaa tartankan isagoo macallin ah.

Ciyaaryahankii hore ee reer Dutch ayaa laga badiyay labo jeer lix kulan oo isagoo macallin ah uu waday Rossoneri.

Keisuke Honda ayaan u ciyaari doonin kulankan AC Milan maadaama uu horay ugu soo ciyaaray tartankan kooxda CSKA Moscow laakiin Essien iyo Taarabt ayaa u safanaya kulamadoodii ugu horeeyay ee Champions league.

Milan waxaa ka ganaaxan labo xiddig oo muhiim ah kulankan waana Riccardo Montolivo iyo Sulley Ali Muntari.

Ogeysiiska ciyaarta:-

Kulanka: AC Milan vs Atletico Madrid

Garoonka: San Siro

Garsooraha: Pedro Proenca

Tartanka: Wareegga 16-ka Champions league

Taariikhda: 19/02/2014

Saacadda: 10:45 habeenimo geeska Africa

Maalinta: Arbaco

Safka macquulka ee kulankan:-

Milan: Abbiati; Zaccardo, Rami, Constant, De Sciglio; De Jong, Essien; Taarabt, Kaka, Pazzini; Balotelli.

Atletico: Courtois; Juanfran, Miranda, Godin, Insua; Gabi, Suarez, Koke, Turan; Villa, Diego Costa.