Xoghayaha Dawlada hoose ee Berbera Md. Cabdikariin Aadan Cadde ayaa mudadii uu hayey xilka, waxa uu sameeyey waxqabad la taaban karo, isagoo intaa badan xafiiskiisa heegan ugu ah dadweynaha reer Berbera si uu ugu fidiyo adeeg hufan, isla markaana waxa uu caan ku yahay inuu saacado dheeraad ah siiyo wax u qabashada arrimaha bulshada.

Sidoo kale, xoghaye Cabdikariin waxa uu ku suntan yahay shaqsiyad wanaagsan oo ka fog qabyaalada iyo weliba eexda, qaraabo kiilka. Waxanu safka hore kaga jiraa xoghaye Cabdikariin Aadan Cadde masuuliyiinta kasoo baxay shaqadoodii ee maamulka dawladda hoose ee Berbera.

Waxa kaloo, uu xoghaye Cabdikariin baal dahab ah kaga jiraa shaqsiyaadka sida weyn uga shaqeeyey waxqabadka dawlada hoose ee berberi ku talaabsatay. Isagoo kaalin lexaad leh ku lahaa dib u dhiska Wadooyinka halbowlaha ah ee dhexmara caasimadda gobolka Saaxil. Iyadoo xagga waxqabadka dadweynaha reer saaxil ku majiirtan xoghayaha iyo Maayirka degmamada Berbera oo isla jaan qaaday.

Xoghaye Cabdikariin Aadan Cadde waa masuul dhalinyaro ah oo leh khibrad iyo waayo aragnimo dawladeed. La soco qaybo badan oo xiiso leh.