ee ka yimaada 7 wadan oo Islaam ah oo ay ku jirto Soomaaliya.

Tilaabadan ayaa xayiraad saareysa dadka qaxootiga ah ee uu Maraykanka horey u geyn jiray dalkiisa, waxayna qeyb ka tahay balanqaadkii Trump xiligii uu ku jiray ololaha oo uu sheegay inuu dalka Maraykanka u diidi doono in la keeno Qaxootiga Muslimiinta ah, wuxuuna xiligaasi si gaar ah usoo hadal qaaday Soomaalida mar uu olole uga jiray gobalka Soomaalida ku badan tahay ee Minnesota.

Dalalka la filayo in saaro xanibaadan VISA iyo joojinta Qaxootiga lasoo qaadi jiray ayaa kala ah; Soomaaliya, Suudaan, Siiriya, Ciraaq, Iran, Liibiya iyo Yemen.

Trump oo ay u tahay todobaadkii ugu horeeyey oo uu shaqo bilaabo ayaa wada saxiixida sharuuc cusub iyo wareegtooyin Madaxweyne oo uu ku doonayo inuu wax uga bedalo sharuucdii horey u tiilay dalkaasi.

Donald Trump ayaa shalay qalinka ku duugay hirgelinta laba mashruuc ee dhuumaha shidaalka ee laga sameenayo gudaha Maraykanka, mashaariicdaasi oo horey dooda xoogan uga taagneyd sida mashruuca North Dakota oo ay kasoo horjeedaan Dadka dhulkaasi leh ee Native Americans oo sheegay in dhuumahaasi shidaalka la doonayo in la marsiiyo dhulka ay biyaha ka cabaan iyo deegaankooda taariikhiga ah.

Xukuumada Trump ayaa sidoo kale kulan la yeelatay shirkadaha sameeya Baabuurta kuwaasi oo uu Trump u balan qaaday inuu ka qaadi doono xayiraada badan ee dowladihii hore saareen shirkadaasi dhanka dhowrista bey’ada.