Gafarnatooraha Jakarta oo lagu helay in uu diinta Islaamka u gafay
Gafarnatooraha magaalada Jakarta ee dalka Indonesia ayaa lagu xukumay labo sano oo xabsi ah, ka dib markii lagu helay in uu aflagaadeeyay diin uuna kiciyay rabshado.
Basuki Tjahaja Purnama, oo caan ku ah Ahok ayaa ahaa qofkii koobaad ee asalkiisu Shiinays yahay ee Kiristaan ah ee maamula caasimadda Indonesia, arrintaas ayaana loo arkayay in ay tijaabo u tahay dulqaadka diimaha ee dalkaas.
Waxaa lagu eedeeyay in uu caayay diinta Islaamka isaga oo soo hadal qaaday ayaad Quraanka Kariimka ka mid ah, isaga oo jeedinayay khudbad uu ku ol'olaysanayay.
Purnama ayaa diiday in uu aflagaadeeyay ama wax u dhimay diinta Islaamka, isaga oo maxkamadda jooga ayuuna sheegay in uu racfaan ka qaadan doono go'aankan.
Hadalka uu horay u jeediyay ayaa aad uga caraysiisay dadka diinta ku dhagan.
- Indonesia oo laga mamnuucay maalinta jaceylka
- Dab 23 qof ku dilay doon maraysay xeebta Jakarta
- Mudaharaaddo weli ka socda Indonesia
- Muslimiinta Jakarta oo loogu baaqay inay maayar Muslim ah doortaan
Mudaaharaadyo waawayn ayay qaban jireen iyaga oo ku baaqaya in maxkamad la soo taago, qaar xagjir ahna waxayba ku baaqeen in la dilo.
Booliiska mudaaharaadyada oo maxkamadda tagay
Go'aanka maxkamadda ka hor dad mudaaharaadaya oo qaarna ay ka soo horjeedaan kuwana ay taageersan yihiin Purnama ayaa isku soo arruursaday bannaanka Maxkamadda Sare ee Jakarta.
- Yahya Jammeh iyo madaxda kale ee lagu eedeeyay in ay dheceen hanti
- Tobankii ruux ee adduunka ku dhimata mid ka mid ah ayaa sigaar eersaday
- Saameynta uu leeyahay Sheekh Zakir Naik
- Khilaafka is jiijiidka ee u dhexeeya Malaysia iyo Woqooyiga Kuuriya
Qaar waxay dalbanayeen in xabsi dheer lagu xukumo, kuwo kalana waxay dalbanayeen in la sii daayo oo la caddeeyo in uusan gaf gaysanin.
Ku dhawaad 15,000 oo askari oo isugu jira booliis iyo milatari ayaa sugaya ammaanka goobtaas, booliiska rabshadaha ka hortaga iyo baabuur qafilan ayaana ku kala dhex jira labada mudaaharaadeyaal ee kala aragtida ah.
Gafarnatooraha Jakarta oo lagu helay in uu diinta Islaamka u gafay
Gafarnatooraha Jakarta oo lagu helay in uu diinta Islaamka u gafay