Daawo:Wasiir Samaale oo Bulshada Somaliland u soo jeediyey inay waxqabadka iyo horumarka la gaadhay ka abaal celiyaan, Rajo na ka muujiyey in Xukumadda Siilanyo Mar kale ku guleysato Talada Dalka
lagu wado inay dalka ka dhacdo sannadka fooda innagu soo haya ee 2015-ka in Madaxweyne Siilaanyo mar kale ku guulaysan doono marka la eego baa uu yidi hwax-qabadka dhinacyada badan leh ee ay dalka ka hirgelisay afartii sanadood ee ay xilka ummadda haysay.
Wasiirka maaliyaddu waxa uu sheegay inuu rajaynayo shacbiga Somaliland inay
xukuumadda Madaxweyne Siilaanyo oo wax badan qabatay ay ugu abaal-celin doonaan
inay mar kale codkooda siiyaan, isagoo arrintaasi ka hadlayayna waxa uu yidhi
"Dareenkayga kalsooni 100% ah ayaan ku qabaan xisbiga KULMIYE iyo xukuumadda
KULMIYE oo isku mid kaliya ahi, maanta oo aanu xilkii ummadda hayno,maanta oo
aanu wax badan u qabanay shacbiga. Iyadoo madaxweynaha iyo xukuumadiisu ay
horumarkaas dhinacyada badan leh ee la taaban karayo dalka ka qabteen, waxaan
qabaa inay ummaddu ugu abaal-gudi doonto xukuumaddan inay codkooda mar labaad
siiyaan.”
"Miisaaniyaddii 2013-kii waxaan Golaha Wakiiladda horgeeyay Bishii
December,miisaaniyadii sannadkan aynu hadda ku jirno ee 2014-kiina waxaan
horgeeyay Bishii October ee kal-hore, sannadkanna miisaaniyadda 2015-ka waxaan
ku tallo-jiraa inaan Golaha Wakiiladda horgeeyo xiliga sharcigu qorayo oo aan
geeyo bisha October ee fooda innagu soo haysa, markaa way iga go’an tahay inaan
miisaaniyadda ku gole-geeyo xiliga sharcigu dhigayo oo aan waligeed taariikhda
Somaliland ka dhicin oo aan saddexdaas sannadood ee aan wasaaradda joogay aan
mar walba geeyay wakhtigii loogu tallo-galay,”ayuu yidhi Wasiir Samaalle.
Wasiirka Maaliyadda Somaliland oo shalay u warramayay Horn Cable TV, waxa kale
oo uu ka hadlayay hanaanka ay u maamulaan lacagta qaadhaan-bixiyeyaasha
caalamiga ahi ugu deeqaan Somaliland, waxa uu yidhi "Waxa Jira mashruuc la
yidhaahdo (Somaliland Development fund) oo ah mashruuca horumarinta Somaliland
oo waddamo badan oo reer Yurub ahi ka qeyb-qaataan oo ay ka mid yihiin
Ingiriiska, Sweden, Norway iyo qaar kaleba. Lacag 14 milyan iyo shan boqol oo
kun oo Dollar ah ayay ugu tallo-galeen sannadkan 2014-ka inay galiyaan
Somaliland Wasaaradaha oo ay ugu horayso wasaaradda qorshaynta qaranka oo ah
wasaaradii qorshaynaysay baahiyaha kala duwan ee qaranka ah iyo wasaaradda
maaliyadda iyo wasaaradaha kale ee loo baahan yahay inay lacagtaasi gasho
waxaanay leeyihiin Guddi isku dhafan. Lacagtaasina waa lacag ay waddamadaasi
toos innoogu deeqaan iyagoo korjoogtada leh”
Daawo:Wasiir Samaale oo Bulshada Somaliland u soo jeediyey inay waxqabadka iyo horumarka la gaadhay ka abaal celiyaan, Rajo na ka muujiyey in Xukumadda Siilanyo Mar kale ku guleysato Talada Dalka
Wasiirka Maaliyadda Mudane Cabdi-casiis Maxamed Samaalle ayaa saadaaliyay in shacbiga Somaliland ay doorashada madaxtinimadda ee ...