Habaar Waalid Iyo Hadimo Jaceyl:- Qormaddi 1-aad W/Q Nasser Ahmed Abraham
hooyo Nimco iyadaa qoyskeeda u shaqayn jirtay, wallaw nin keeduba uu ahaa askari mushaharkiisu yahay (25.000sh) wax kastana ha ka shaqaysee way la soo dabaalatay korinta,barbaarinta iyo waxbarista ubadkeeda ilaa intooda badani hanaqaadeen hooyo Nimco gabdhaha ay dhashay waxaa ugu yaraa gabadh la yidhaa Ayaan, islamarkaana ahayd ardayd dhigata madarasadda lagu barto culuumta islaamiga ah, Ayaan waxay ahayd gabadh hooyadeed adeecda inta badan baarina u ah, maalin maalmaha ka mida Ayaan waxay is barteen gabdho reer Djibouti ah maalintaas, waxii ka danbeeyay Ayaan waxay rafiiq la noqotay hablaha, markastana way la joogi jirtay gabdhahaasi waxay markasta uga sheekayn jireen magaaladda Djibouti inta badana way u ammaani jireen heer ay Ayaan jeclaato inay magaaladda soo aragto,
Ayaan waxay ahayd ardayad waxaanay
hablaha ay asaxaabta yihiin ka codsadeen inay fasax dugsiyeedka yar raacdo, oo
ay magaaladda soo aragto siday ugu celcelinayeena Ayaan way ka ogolaatay
laakiin waxay ku tidhi:
wallaal shakhsiyan raali ayaan ka ahay inaan idin raaco’e,
laakiin hooyaday ayaan ka cabsanayaa inay iga diiddo arritaa, hooyaday’na anigaa idinka aqaan oo safarba way nacdaa xitaa hadduu yahay mid
magaaladda dhexdeeda ah, khaasatana waxay Djibouti ka aaminsantahay inay tahay
meel aan bataatanba u fiicanayn hablaha,
markaa ma garanayo si ay iiga ogolaan ee laakiin waan u sheegayaa, waanan ka
codsanayaa oo aan ku celcelinaya ilaa inta ay iga ogolaanayso,
Waxay gabdhahaasi u sheegeen inay
Djibouti iyagu ay ku soo dhawayn doonaan, iyagana ay la gali doonto guri, Ayaana waxay u sheegtay inay Djibouti joogto
eedadeed, dagantahay’na halkaas walibana ay maqashay inay gasho xaafadda sadexaad,
Waxay’na hablihii ku yidhaadeen haddaa waa sax ee waa ay dhantahay hadday
"Eedo” dagantahay oo iyada ayuunbaan kula raadcaynaynaa iyada ayaanad ku
dagaysaa.
Ayaan waxay qaraar ku gaadhay inay
hooyadeed u sheegto, doonanista ay
doonayso inay fasaxeedda tagto Djibouti,
subax (jimce) ah saacaduna ahayd "shanti” ayay Ayaan hooyadeed la haddashay wax
ay’na ku tidhi hooyo Macaan waxaan
doonayaa manta inaan arrin kuu sheego’e, in yar ii soo fadhiiso, hooyo Nimco waxay tidhi waan gartay saaka
inay wax jiraan waayo waxaan ka gartay saacadda aad toostay awal wakhtigan iyo
wakhti u dhaw’na maad kici jirin ee maxaa jira ma macalimiintaadii ayaa kugu
yidhi hooyadaa u yeedh, oo danbi baad sammaysay?
Ayaan waxay tidhi ; maya hooyo
macaan ee waad ogtahay inuu fasaxii soo dhawaaday, markaa hooyo waxaan jeclaan
lahaa inaan fasaxa yar tago Djibouti Edo’day iyo ilmaabti’yaday’na soo barto,
waxay hooyo Nimco ku jawaabtay iyadoo aad uga cadhootay codsiga kaga yimiday inan teeda, oo tidhi; " Ma bay dhalane dhawrtaysan ogaa”, kuwii ka
waaway’naa’ba wali waxaa kumay fikirine iyadoo shalay dhalatay ayaabay
doonaysaa in ay tagto meel aan Aabe’heed’na tagain, (Waxaa kaama maqlikaro
naayaa)
galabtii Ayaan wax ay asaxaabteedii
u tagtay iyadoo niyad jabsan war na laga sugayo waxay Ayaan tidhi; saaxiibayaal
sidii aan ka shaki sanaa ayay u dhacday, hooyaday’na way i diiday safarkaa gabi
ahaan’ba waayo hooyaday waxay Djibouti ka haystaa Fakir khaldan, wax Alla waxaan yeelana garan maayo,
Wax ay ku yidhaadeen taasi macno ma
leh hooyadaa hadday ku diiday waxaad sammaynaysaa; waad iska kaaya raacaysaa
anagaa nooligaaga qabna xadkana anagaa ku sii dhaafinay’na Edo’na kuu gaynayna,
intaanad magaaladda galina waxaad kala soo haddalaysaa hooyo (xadka) wax ay
Ayaan tidhi; waa fakir fiican sidaasaan yeelay’naa ee waxaan sugayaa uun inta
lafasaxayo madarasadda, markii madarasaddii fasax ay ahayd uun (shan maalmood)
oo kaliya, Ayaan waxa ay bilawday inay
isku diyaariso safar aan cidna ogayn!!
Ayaan hooyadeed waxa ay ka dareentay
cadho badan oo aanay hore ugu arki jirin iyo diyaar garraw haddana waxaa ku soo dhacay maskaxda hooyo Nimco inay
san Ayaan heli karin cid ka bixisa nool
ka Djibouti ay ku tagi lahayd, maadaama ay iyadu aanay wax lacag ah inanteeda siinayn, Ayaan waxay u diyaar garrawday safar ay
ku tagayso Djibouti ama waalidkeed raali haka ahaadaan ama yay ka ahaane!!
Intaa waxii ka danbaysay Ayaan waxa
ay u sii gudubtay dhinacaa iyo Djibouti,
Ayaan waxay magaaladii Djibouti
gashay saacaddu markii ay ku beegnayd (12:00pm) duhurnimo maalin Jimce ah
(2006) bilawgii Ayaan waxay ku dagtay oo ay ka maydh maydhatay gurigii Haboon
iyo faatima oo ahaa hablihii magaaladda keenay ee ay asaxaabta ahaayeen, markii ay Ayaan iska
nafistay ee ay qiyaastii saacaddu tahay
(6:30pm) fiidnimo oo ah wakhti ay cadceedu u hoyatay hogeeddii, dhulkana laga
sii dareemayo, raadkii ay falaadhaha cadceedu ka tageen, hase ahaatee wax yar
oo naacow ah dhinacaa badda ay ka
immanayaan ,
Ayaan , Haboon iyo faatimo waxa ay u
baxeen si ay u raadceeyaan gurigii Ayaan Edaddeed oo ay ka wateen tilmaan fiican
cabaar kadibna way heleen gurigii, Ayaan Edaddeed isku sheegtay maadaama ayna
Ayaan iyo Edadeed muddo dheer kulmin Ayaan Edadeed may ahayn dumarka waraysiga
badan, waxaanay u qaadatay in Ayaan magaaladda u timiday shaqo "macnaha
shaaqiyadnimo ama jaariyadnimo nin ba
siduu u yaqaano”, taasi oo ah shaqadda inta badan hablaha ka yimaada
magaalooyinka Burco,Hargeisa,Boorama,Diridhaba,iyo xamarba ay magaaladda
Djibouti ka raadsadaan,
Ayaan Edaddeed waxay galaysay guri
saddex maqsin ah waxaana qabay Nin saaxibul ciyaal ah,waxaa guriga uga shaqayn
jirtay inan oramo ah maadaama ay u aragtay in Ayaan ay magaaladda shaqo u
timid, waxay Ayaan Edaddeed go’aan dag dag ah ku gaadhay in ay inan ta
shaqaalaha ah iska fasaxdo caawa laga bilaabana Ayaan sidaa shaqada ku gasho,
markii waagu baryay’na Ayaan waxaa
la soo kala tusay meelaha adeega laga qaato, suuqa iyo tukaamadda ay Edadeed
wax ka iibsato si ay adeega reer ka uga soo iibiso Ayaan hore ummay qaban
shaqadan meeshan ay timidna waa meel aad iyo aad u kulul siday doontaba ha u
kululaatee Ayaan waxay dantu ku khasabtay inay shaqadii sidaa ku bilawdo, isla
cadceedii koobaad ee ugu soo baxday Djiboutina waxay ahayd guri joog ama
(shaaqiyad) Ayaan waxay la kulantay jawi aad u adag iyo hawl badan oo ay ka mid
tahay kaawiyad , cunto Karin , dharmaydhis iyo ciyaal hayn nolasha wajigaa leh
Ayaan waxay ku jirtay oo ay u adkaysanaysay muddo dhan (8) bilood , intaa waxii
ka danbeeyay Ayaan waxay ku fikirtay inay noloshan badasho oo ay raadsato mid
tan ka wanaagsan,
Waxaana isla markiiba maskaxdeedda
ku soo dhacday inay guursato oo ay dagto guri ay xor u tahay oo iyada luugu
shaqeeyo, Ayaan waxay u dhaqaaqday
dhinacaa iyo meelaha ragu ku badan yihiin sida suuqyada iyo goobaha wax barashada,
Ayaan intay aad u labisto ayay suuqyada
cagta ku badin jiray waxaanay ka dhex raadinaysay dookhaddii iyo nin kii la
waddaagi lahaa mustaqbalka, islamarkaana kii ay kaga bixi lahayd noloshan adag,
Muddo kadib Ayaan waxay ku soo biirtay iskuul
aan macalin iyo maamul ka ahay aniga oo ah qoraaga buugga GUURKA iyo
NOlOSHA iyo buugga "waa cibaaro caashaqu”, "C/naasir Axmed
ibraahim”, Ayaan waxay iskuulkayga ku
soo biirtay habeen salaasa ah (7:00pm) habeennimo waxaa’na dhexmartay
haddalkan:
Ayaan: wallaal waxaan rabaa
macalimiintii iskuulka
C/naasir: aniguba ka mid ayaan ahay
ee maxaan kuu qabtaa?
Ayaan: haggaag waxaan u baahnaa
inaan barto luuqadda inglriisiga, markaa fasal "advance” ah oo gala (8:00pm)
fiidnimo ma la ii helayaa?
C/naasir: maya ee waxaa laguu helayaa (7:00pm)
ama (9:00pm) ee labadaa soo kala dooro.
Ayaan: waayahay ee waxaa aniga ii
roon (9:00pm) ka habeennimo,
Ayaan: laakiin macalin waxaan ku
waydiiyay aduu ma reer hargeisa ayaad tahay waadigan sidoodii u labisan ee u
hadlayee?!!
C/naasir: waa runtaa waan ahay, laakiin waxaa
iga su’aaala ah fallaadhee kuu tilmaantay inaan reer Hargaysa ahay? Sidaan
filaayo Kama dheerid adiguba mise waa beentay?
Ayaan: waa runtaa
C/naasir: fasal baan galayaa ee
habeen danbe waad bilaaban kartaa casharkaaga habeen wanaagsan,
Ayaan: habeen la mida macalin.
Kaasi waxuu ahaa kulankii ugu
horeeyay ee aan yeelanay aniga iyo Ayaan waxaanu ahaa kulan aad u kooban,
Ayaan isla habeenkii labaad ee ay
timiday iskuulkaba waxay is barteen inan magaceedu ahaa (Dursutu) oo qoomiyad
ahaan ka soo jeeday (canfar) Ayaan iyo Dursutu waxay noqdeen laba qof oo ah
saaxiibo isku dheer, oo aan la kala dhexmarin Ayaan iyo Dursutu’na waxay isku
raaci jireen guryahooda maalintii koobaad ee ay Ayaan u raacdo guriga Dursutu
waxa aad ugu helay inan Dursutu ay habro-wadagaan oo magaciisu yahay Cabdoo ,
inan kan waxuu ka shaqayaa wakhtigaas warshadda soo saarta sharaabke ee
Djibouti,
Cabdoo waxuu isla markii ay Ayaan
baxday’ba ka waraystay habro-wadaagtii Dursutu iyaduna akhbartii Ayaan oo dhan
ayay gacanta ka saartay waxaanay ku tidhi waa inan dabeecadda oo
wanaagsan………………..
Lasoco Qaybta Labaad
Habaar Waalid Iyo Hadimo Jaceyl:- Qormaddi 1-aad W/Q Nasser Ahmed Abraham
Nimco waa hooyo sabool ah oo dagan kuna dhalatay magaaladda Hagriesa, waxay carruur dhashay "sadex hablood iyo Afar inamood", hooyo Nimco waxay ubadkeeda ku korisay nolol aad iyo aad u adag,