Gabayga "XAQ-DHAWR" oo Lagu Taagerayo Wasiir Xirsi
Gabayga "XAQ-DHAWR"
1. Xa’da Maanso, Xarakaynta Gabay, Xarafka Suugaanta
2. Xeerkeeda Goortaan Furaa, Lala Xadreeyaaye
3. Murti Lagu Xisaabtamo Rag Yahow, Waan Xambaarsanaye
4. Xusullada Ka Buuxsada Markani, Waan Xantoobsadaye .
5. Xil Haddii Laguu Dhiibo Oo , Lagu Xurmaynaayo
6. Waa Inaad Xammaal Daran Tahood, Xeelad Leedahaye
7. Waa Inaad Xaq-dhawr Iyo Taqaan, Shacab Xurmayntiiye
8. Waa Inaad Xalaal Miirad Tahay , Xamasho Waa Ceebe
9. Waa Inaanay Xaaraani Galin, Xubin Calooleede
10. Waa Inaad Xaliim Tahay marnaba, Aan Xanaaq galine
11. Waa Inaad Xad-gudubkiyo Nacdaa, Xanafta Beeleede
12. Waa Inaad Xaq-soorkiyo Cadliga, Xeer-Yaqaan tahaye
13. Waa Inaad Xumaatada Dhammaan, Xagal Ku Moostaaye
14. Waa Inaad Xaggii Diinta Sare, Xaafid Aad Tahaye
15. Waa Inaad Xashiishkiyo Khamrada, Xannibto Qaadkiiye
16. Xarbi iyo Dagaal Waa Inaad, Xaaqdo Gabigoode
17. Marka Aad Xasiliseed Wanaag, Aad Xubbiga Beerto
18. Xeelad Iyo Awood Sheegashadu, Waa Xumaan kale’e
19. Waa Inaad Xamdiga Eebbeheen, Xoog U Badisaa Dhe.
20. Afartaas Intaan Xalay Miyaan, Xanaf ka dheereeyay
21. Suugaantu Xeerkay Lahayd, Saw Xaq Uma Sheegin
22. Xarafkaan Ka Qaadiyo Miyaan, Xeradi Waydaarshay
23. Afar Kale na Aan Soo Xawilo, Waa Xusuus Qorane.
24. Xil Haddii Laguu Dhiibo Oo , Lagu Xurmaynaayo
25. Waa Inaad Xisaab tami Taqaan, Qallin Xarriiqdaaye
26. Xoolaha Dad Weynaha Ka Yimi, Kala Xasaynayne
27. Cashuuraha Lasoo Xoomiyana , Kala Xad’aysaaye
28. Adigoon Xasarad Beerahayn, Kala Xawaaraynta
29. Waa Inaad Xaggaas Iyo Xaggaas, Xeebta Iyo Hawdka
30. Xayn-daabka Guud Ee Dalkiyo, Wadar Xuduuddeenna
31. Waa Inaad Xayaysiin Taqaan, Xoogga Aan Nahaye
32. Cadawguna Markaasuu Xidhkiyo, Ayga Sii Xuliye
33. Waa Inaad Wax Lama Xaasidee, Xuubsan Jaarkana’e
34. Xasiloonideenniyo jirtaa, Nabadda Xeerkeeda .
35. Afartaas Intaan Xalay Miyaan, Xanaf ka dheereeyay
36. Suugaantu Xeerkay Lahayd, Saw Xaq Uma Sheegin
37. Xarafkaan Ka Qaadiyo Miyaan, Xeradi Waydaarshay
38. Afar Kale na Aan Soo Xawilo, Waa Xusuus Qorane.
39. Xaasidnimo Ma Fiicnee Haddaan, Gabayga Xayndaabo
40. Xayaabada Sarreysiyo Haddaan, Diirka Ka Xayuubsho
41. Intaas Aan Sifaad Soo Xuleen, Wadar Usoo Xoorshay
42. Anoon Been Ku Xarakaynahayn, Xarafka Suugaanta
43. Anoon Xoola laysiiya iyo , Doolar Xilanaynin
44. Ama Aan Xigaal Iyo U Galin, Xidid I Maamuusa
45. Ama Aan Xil-doon Iyo Ka Wadin, Jago La Ii Xaadho
46. Qofkastaba Ha Xiiqee Runtaa, Lagu Xaquuqaaye
47. Ninka Lagu Xisaabtamahayee, Noo Xidiginaaya
48. Xilkasnimo , Xaqdhawr Sare, Xurmiyo, Horu-mar Xoogeystay
49. XIRSI XAAJI CALI Bay Dhabtii, Xulatay Laabtaydu !!!
CURIYE:- Xasan Daaci Abiib Faarax , 16/7/2014.
Gabayga "XAQ-DHAWR" oo Lagu Taagerayo Wasiir Xirsi
Gabaygan Waxaan Ku Taageerayaa Wax Qabadka Muuqda Ee Wasiirka Madaxtooyada Somaliland Mudane XIRSI XAAJI CALI XASAN.. Ka Bogasho Wacan :-