Wax ka yar todobaad, ka dib markii ay tijaabisay gantaalkeeda riddada dheer kuuriyada waqooyi waxay sheegtay inay hormarinayso hubkeeda Niyukleerka casriga ah.

Sida laga soo xigtay warbaahinta dowladda, Kim Jong-un ayaa tijaabiyay boomka Hydrogenka kaasi oo lagu xiri karo gantaalada isaga talaaba qaaradaha .

Xukumadda Pyongyang ayaa hore tajaaboyin hubkeed u sameysay, dad badan oo khuburo ahna waxay aaminsanyihiin in inta badan gantaalada la ganay aysan awoodooda balaarnayn.

Haddi Kuuriyada Waqooyi ay awoodo u yeelato in hub niyukleer ah ay ku xirto gantaalada qaaradaha isaga talaaba, waxa uu Mareykan uu arki doona Qatar weeyn oo soo wajahday.

Madaxweynaha kuuriyada koonfureed Moon Jae-in ayaa sheegay bishii aanu soo dhaafnay in xukuumadda Piyongyang ay xadkeeda dhaafi doonto haddii ay hormariso hubkeeda Niyukleerka ee lagu xiri karo gantaalada iskaga gudbi kara qaaradaha.