Laacibkii hore ee kubadda cagta George Weah ayaa maanta loo dhaarinayaa xilka madaxtinimada ee dalka Liberia kadib markii uu ku guuleystay doorashadii madaxtinimo ee dalkaas.

George ayaa u soo ciyaaray kooxaha Ac Milan, Chelsea iyo kooxo kale waxa uuna noqday afrikaanka kali ah ee ku guuleystay abaalmarinta Ballon.

Waxa uu badalayaa Ellen Johnson oo ah madaxweynihii ugu horeysay ee dumar ah oo qaaradda Afrika laga soo doorto.

Ciyaaryahanada Afrika ee caanka ku ah kubadda cagta ayaa ka soo qeyb galaaya xafladda dhaarinta, waxaana ka mid ah Didier Drogba iyo Samuel Eto.

Kumanaan Liberiyaan ah ayaa iskugu yimid garoonka ay dhaarintu ka dhaceeyso.

Mr Weah caqabada ugu weyn ee hortaagan ayaa ah in uu sare u qaado dhaqaalaha dalkaasi.