Warar xog ogaal ah oo Lagu baahiyay Mareegaha Wararka ee ay maamulaan masuuliyiinta Maamulka Puntland ayaa si weyn loogu qaadaa dhigay khilaafkaasi waxaana lagu sheegay in fadhiyo ay maalmihii u dambeeyay ka yeelanayeen Dagaalkii ay ku baanayeen inay ku soo qaadaan Somaliland uu ku soo idlaaday mid aan dhinaca Puntland ka suurtoobi Karin kadib markii ay si weyn iskugu khilaafeen masuuliyiinta ugu saraysa ee Amniga Puntland oo ku kala aragti duwanaaday dagaalka,Waxaana la sheegay inay qaar ka mid ah Masuuliyiinta sare soo bandhigeen inaanay Puntland wakhtigan awoodi Karin inay dagaal gasho marka loo eego dhaqaale ahaan iyo amni ahaan islamarkaana ay ka haboon tahay in qaabab kale lagu mareeyo halka Madaxweyne gaas iyo Masuuliyiin kale ay daba ka riixayeen in itaal meel uu dhigaba aanay ka fursan Karin dagaal lagu soo qaado Ciidamada Somaliland.

Sidoo kale Taliyaha Guud ee Ciidamada Qaranka Maamul Goboleedka Soomaaliyeed ee Puntland General Siciid Maxamed Xirsi (Siciid Dheere) oo shirarkaasi Amni ee Masuuliyiinta Puntland maalmihii u dambaysay sida isdaba jooga ah ugu qabanayeen Garowe qayb ka ahaa ayaa la sheegay inuu istiqlaalad u gudbiyay Madaxweyne Gaas islamarkaana Waxa wararkaasi intaasi ku dareen inuu go’aan ku gaadhay inuu iscasilo haddii istiqlaalada laga aqbali waayo,kadib sida la sheegay markii laga hoos qaadi waayay baahiyo deg deg ah oo ay Ciidanku u baahan yihiin oo uu u gudbiyay Gudida Amniga iyo Madaxweyne Gaas,arintaasi oo keentay inuu aad uga biyo diido hanaanka wax loo wado,Waxa kale oo uu isagu ka mid ahaa Masuuliyiinta ka soo horjeeda in wax dagaal ah Puntland wakhtigan gasho isagoo si gaar ah uga waayo waramay Duruufaha Amni iyo Awooda Ciidan ee Puntland maanta haysta.