Weah oo sheegay in uu badalayo sharciga 'cunsurnimada ah' ee Liberia
Madaxweynaha cusub ee dalka Liberia ayaa sheegay in uu wax ka badalayo wax uu ku tilmaamay 'sharciga muwaadhinimada ee cunsuriyada ku salaysan' ee dalkaas, kaas oo gabi ahaanba mamnuucaya in qof aanan madoow ahayn uu muwaadhin ka noqdo Liberia.
George Weah ayaa sheegay in qodobkaas sharciga ku jira uusan haboonayn, lana doonayo in meesha laga saaro si Liberia ay u noqoto dad aysan ciddina mamnuuc ka ahayn.
Qodob kale oo ku saabsan in shisheeyaha aysan wax ganacsi ku lahaan karin Liberia, ayuu sheegay in isagana meesha laga saarayo si loosoo jiito maalgashi.
- George Weah oo loo doortay madaxweynaha Liberia
- Weah oo hoggaaminaya doorashada madaxweynaha Liberia
- Waa kuma George Weah, madaxweynaha cusub ee Liberia?
Liberia ayaa waxaa asaasay dadkii adoomada madoow ahaa ee laga soo celiyay Maraykanka sanadkii 1847, xiligaas ayaanan sharcigaas la qorey.
Dadka muwaadhinimada loo diiday waxaa ka mid ah illaa 4,000 qof oo asal ahaan kasoo jeeda dalka Lubnaan oo sanooyin aad u badan ku noolaa Liberia.
"Sharcigan waxa uu ka hor imanayaa fasiraadda saxda ah ee kalmadda Liberia oo micnaheedu yahay xor" ayuu yiri Weah.
Khudbad uu ka jeediyay baarlamaanka ayuu shaaciyay in mushaarkiisa uu dhimmi doono 25% maadaamaa dowladda aysan lacag badan heysanin. Wuxuu ugu baaqay in xildhibaanada ay tusaalahaas oo kale sameeyaan.
Weah oo sheegay in uu badalayo sharciga 'cunsurnimada ah' ee Liberia
Weah oo sheegay in uu badalayo sharciga 'cunsurnimada ah' ee Liberia