Tababare Jose Mourinho ayaa si dadban digniin ugu diray xidigahiisa Marcus Rashford iyo Anthony Martial isagoo u sheegay ineysan mar walba heli doonin boos joogto ah isla markaana dhibka uu ka jiro koox walba.

Labadaan xidig ee dhanka weerarka ayaa maalmahii lasoo dhaafay aad loo hadal hayay mustaqbalkooda iyadoo saxaafadda qaar ay qoreen in labaduba ay kooxda ka tagi doonaan hadii Jose Mourinho uu ku adkeysto go’aanka iyaga ka dhanka ah.

Rashford wuxuu kaliya kusoo bilowday 30-ka mid ah 70-kulan oo uu Jose Mourinho si weyn u maamulayay kooxda Man United kulaamda Premier Leugue, sidoo kalana Martial ma dhameysan 90-daqiiqo tan iyo bishii February.

"Waa kaliya kubadda cagta, kaliya ma heysano 11-ciyaartoy” ayuu yiri Mourinho.

"Waxey ahaan laheyd wax cajiib ah xitaa ka dhaqaale ahaan in kooxda ay heysato 11-xidig iyadoo aysan jirin wax dhaawac ah, ganaaxyo ah ama daal ah”

"Qof walba ayey u fiicnaan laheyd inuu heysto 11 sidaas ah, balse macquul maahan, koox walba oo ka ciyaarta heer walba oo kooxaha darajada sare ka tirsan waxey u baahan tahay wax ka badan 11-xidig, balse kaliiya 11 ayaad kusoo bilaabi kartaa, mana jiraan wax aan sameyn karo”

"Kaliya 11 ayaa kusoo bilaabaneysa, isla su’aasha aad aniga i weydiineyso, waxaad weydiisaa macalin walba oo kale, sababtoo ah mid walba oo ka mid ah wuxuu heystaa ciyaartoy xaaladaan oo kale ku jirta”