Hargaysa;-Abwaan Faarax Murtiile Oo Suugaan Kaga Dareen Ceeliyay Dhaliilihii Ay Reer Somaliland U Jeediyeen -
Abwaan Faarax Murtiile oo ka mid ah hal abuurada reer somaliland ee ku nool qurbaha ayaa qaab suugaan ah kaga jawaabay dhaliilo loogu jeediyey ka qayb galkii xafladii caleemo saarka madaxweynaha cusub ee maamulka Puntland iyo hadalo uu ka jeediyey.
Kuwa QaylinayeeAbwaan Faarax Murtiile oo dad badani ay ku eedeeyeen inuu ka horyimid qaranimada somaliland ayaa dhaliilihii loo jeediyey kaga soo jawaabay maanso uu tiriyey oo u dhignayd sidan:-
Qabta Faarax lahoow
Qalad ba fahanteene
Qarankay waxma yeelin
Qofkastoo is bidaaya
Anigaa Qarankayga
Uga sii Qotadheeroo
Somaliland Qarankayga.
Inay Qoon- yarigaadho
Qudhaydaan ogolaynoo
Qoorgooyaan ka xigye.
Anigaa Qarankayga
Qodax saydha ka dhawra .
Anigaa Qarankayga
Qilaafkiisa daweeya.
Somaliland Qalbigayga
Waa Quluubtiyo maanka
Hooyadaydii i Qaadiyo
Qaaydkii laygu xanbarshayoo
Inaay Qoon yari gaadho
Qundhaydaan ogolayne
Qajilaan idin leeyahay.
Qudbadayduna maaha
Midaan Qoomay hankooda
Waa midaan Qarankayga
Ugu qiil daydayaayaye
Kuwa Qaaqda guraaye
Qabta Faarax lahoow
ilmada,aad Qubaysaana
Wayska Qiiro jabaane
Qajilaan idinleeyahay
Qaran kayguna maaha
Qof midaad ku dirtaanoo
intuu Qaata warkiina
Durba soo Qabanaye.
Qaynuun baa dalka
yaalle
Qajilaan idinleeyay.
Abwaan :Afraax Murtiile
Hargaysa;-Abwaan Faarax Murtiile Oo Suugaan Kaga Dareen Ceeliyay Dhaliilihii Ay Reer Somaliland U Jeediyeen -
Abwaan Faarax Murtiile Oo Suugaan Kaga Dareen Ceeliyay Dhaliilihii Ay Reer Somaliland U Jeediyeen -