Wabiga Shabeelle oo fatahaad hor leh ka sameeyay magaalada Beledweyne
Wabiga Shabeelle ayaa saacadihii ugu danbeeyay bilaabay in uu si toos ah ugu fataho guud ahaan xaafaddaha magaalada Beledweyne, kaddib markii xalay uu qeybo badan Wabigu karkaarada jabsaday.
Laamiga dhaxmara bartamaha magaalada ayeey biyuhu bilaabeen
Guddoomiyaha Gobolka Hiiraan Cali Maxamed Caraale ayaa sheegay in dadka barakacay magaalada lagu qiyaasayo ilaa 50 kun ruux oo deegaan ka dhigtay dhulka taagga ah ee dulleedka Bari deegaanka Ceeljaale.
Korontada magaalada ayaa la jaray, iyadoo shirkaduhu ka cabsi qabaan in ay wax-yeelo u geysto dadka biyaha ku dhax-lugeynaya madaama baalayaasha Korontada gudbiya intooda badan suran yihiin xaafaddaha fatahaadu saameysay.
Magaalada Beledweyne ayaa sanad waliba dadka ku dhaqan xiliyada Roobka waxaa ay u diyaaar-garoobaan fatahaad uu sameeyo Wabiga Shabeelle, gaar ahaan marka ay Roobabku si xiriir ah uga da'aan dhulka sare ee Itoobiya
Wabiga Shabeelle oo fatahaad hor leh ka sameeyay magaalada Beledweyne
Wabiga Shabeelle oo fatahaad hor leh ka sameeyay magaalada Beledweyne