Waxaynu sagootinay sanad dhamaaday ,waxaynu bilownay sanad cusub, sanadkaas inaga tegay wuxuu inagala tegay wixii aynu shaqaysanay ee xumaan iyo samaan labadaba ahaa,

waynu ilownay sanadkaas inaga tegay wixii aynu qabsanay ama aynu samaynay, laakiinse Alle swt ma iloobin

	wuu inoo qoray wixii aynu qabsanay waxaa lagu qoray kitaab aan dhaafin

	camal yar iyo mid wayn toona, waynu mooganahay wixii aynu soo

	shaqaysanay sanadkaas laakiin waxaa dhici doonta in sida Ilaahay swt

	inoo sheegay qofka marka kitaabkiisa la siiyo qiyaamaha wuxuu

	odhanayaa waa maxay kitaabkan aan dhaafin wixii aan shaqeeyey een

	waxbaba dhaafin.

	Sanad ayaa ina dhaafay sida hilaaca oo kale si degdega inagu dhaafay

	laakiin ogaada ma tegin xaga qoraalka Illaahay agtiisa ayaa ay inoo

	taalaa wixii aynu qabanay.

	Illaahay ayaa dadka waydiin doona qiyaamaha: waqti intee le’eg ayaad

	joogteen aduunka? Intee aduunka soo joogteen intee wax cunayseen intee

	wax cabayseen intee raaxasanayseen? Waxay ku jawaabayaan aduunka

	waxaan joognay maalin ama maalin badhkeed. Waydii cida wax tirisa

	sidaas ayay ku jawaabayaan , waqtigii ay ku noolaayeen aduunka ayaa la

	ah maalin ama maalin badhkeed.

	Wuxuu Alle swt inoogu manno sheegtay cimriga iyo waqtiga uu ina siiyey

	si aynu cimrigaas uga faa’iidaysano wuxuu yidhi Alle swt: miyaanan

	idin siin cimri , waqti uu ku waano qaato qofkii waano qaadanayaa,

	miyaanay idiin iman digniintii anbiyadii miyaanay idiin iman?

	Ogow walaal cadceeda iyo dayaxa waxay ku socdaan xisaab iyo qadar

	xisaabtaasina waa kugu markhaati, subax kasta oo waagu beryo wuu

	dhawaaqaa oo wuxuu yidhaahaa: ina nebi aadanow waxaan ahay maalin

	cusub tii shalay ma ihi , waxaan kugu ahay markhaati camalkaaga hubso

	kana faa’iidayso waqtiga.

	Walaalkayoow, qofkii ku soo dhameeyey cimrigiisa ciyaar ee sanadkaas

	tegayna ku sagootiyey , dib ma u baadhay wixii aad qabatay sanadkii

	kaa tegay ,bugaagii dib ma u baadhay, dib ma u xasuusatay wanaagii aad

	qabatay iyo xumaantii aad samaysay,

	Walaahi qof walba waxaa la soo hortaagayaa Illaahay swt Illaahay

	wuxuu yidhi: waad imanaysaan Illaahay hortiisa idinkoo keli keli ah

	sidii aan idiin abuurnay markii hore, aduunyadana waxaad kaga

	timaadeen wixii aad shaqaysateen ee aduunyo ah.

	Waxaa Illaahay hortiisa muuqanaya wax kastoo aynu samaynay xumaantii

	ayaa muuqanaysa wanaagii sidoo kale wuu muuqdaa,

	Sanad ayaa ina dhaafay intii ciyaaraysay ay ku dhaaftay ciyaar intii

	mukhlisiinta ahaydna ka faa’iidaysteen.

	Waqtigeena waa inaan ilaalinaa sidii nebigeenuba scw waqtigiisa u

	ilaashan jiray ugana faa’iidaysan jiray wuxuu yidhi Iimaamu ibnu

	qayim: wuxuu ahaa Rasuulkeenu scw mid Illaahay xusa waqti kasta haduu

	safar ku jiro haduu neg yahay haduu soconayyo haduu fadhiyo,

	habeenkiisa iyo maalintiisa waqti kasta wuxuu badin jiray xuska Alle swt.

	Marka ay sidaas tahay waa inaan ku dayano xabiibkeena oo habeen iyo

	maalinba ka faa’iidaysanaa.

	Sanadkan cusubna waa inaan kordhinaa wanaaga oo ka faa’ii daysanaa

	camalo wanaagsana shaqaysanaa .

	Oday somaaliyeed ayaa yidhi:

	Hadaan gu’ga kuu kordhaa gabow mooyee ku tarin garaad iyo waayo arag

	ogow ma gudbaad tahee.

	Ma gudbe waa qofka dhaca imtixaanka walaalayaal yaynaan noqon ma

	gudbayaal ku dhaca imtixaanka qabriga iyo qiyaamaha.

	Qalinkii:

	Hussein Jama Guudcade.

	Diintuwaanasteexo1@gmail.com

	http://diintuwaanasteexo.blogspot.com/