Taas oo muujinaysa inaan xildhibaanadu u madax banaanayn xafiisyadooda iyo hawlahooda shaqo, waayo askariga ilaalinaya wasiirka lasoo magacaabay ee kula dagaalamaya xildhibaan la soo doortay ee hadana waliba askarigu ku saxanyahay maxay noqonaysaa fikirka ka danbeeyaa, wuxuu noqonayaa inaanay wax mudnaan ah lahayn xildhibaanadii bulshadu soo dooratay eek u yimi codka shacabka.

Maaha in xukuumadu iska indho tirto khaladaadka protocol ee jira, waayo waa in mudnaan gaaara la siiyaa hadba halka wasiirku booqanayo cidda loogu tagayo ee aanay noqon dhamaanba cida joogta ka soo dareeriya oo albaabada hoosta inoooga xidha cidii ku shaqo lahaydna yaanay cidi ka soo galin meesha, xitaa hadii arinkan lagula dagaalamay xildhibaanada uu sax yahay hadana waxa sharci daroo sii ah in xildhibaan jooga goobtiisii shaqada soona shaqo tagay uu la kulmo dagaal iyo gacan ka hadal toosa oo xitaa ceebta wayni ay tahay yadoo muuqaalkooda la duubayo hadana dagaalku soconayo, taasi waxay muujinaysaa inaan xukuumadu damqasho ka qabin wixii dhacaya.

Waxaan u soo jeedinayaa dhamaanba cidii ay khusayso in la ilaaliyo kala danbaynta iyo mudnaan u yeelida cidda mudan in la dhawro, waayo xildhibaanka la jiid jiidayaa kumuu iman sidan wasiirka oo kale qof shakhsi soo magacaabay ee wuxuu ku yimi xildhibaanku cod dadwayne, maaha in dadkii ku yimi codka shacabka la jiid jiido suuqyada goobihii laga soo doortay, taasina waxay ayaan darro ku tahay cida masuuliyada la dagaalanka xildhibaanda caadaysatay.

Xadhiga, la dagaalanka iyo cago juglaynta xildhibaanadu waata keentay inay u madax banaanaan waayaan shaqadooda, yadoo ay markhaati ka tahay dhacdadaas shalay Berbera ka dhacay oo aan waliba Berbera ugub ku ahayn, waayo waxa ka horaysay mar jeelkaba lagu guro xildhibaano hadlay oo kaliya.

Waad Mahadsantihiin

Allaa Mahad Leh

By: Mohamed Hamud Ali

Burao Somaliland

Hamudson@Gmail.Com