Ra'iisal Wasaare Rooble oo fariin u dirray dhalinyarrada Soomaaliyeed

0
Saturday May 15, 2021 - 11:49:56 in by salman abdi
  • Visits: 44
  • (Rating 0.0/5 Stars) Total Votes: 0
  • 0 0
  • Share via Social Media

    Ra'iisal Wasaare Rooble oo fariin u dirray dhalinyarrada Soomaaliyeed

    Ra'iisal Wasaare Rooble oo fariin u dirray dhalinyarrada Soomaaliyeed

    Share on Twitter Share on facebook Share on Digg Share on Stumbleupon Share on Delicious Share on Google Plus

Ra'iisal Wasaare Rooble oo fariin u dirray dhalinyarrada Soomaaliyeed

Ra'iisal Wasaaraha Xukuumadda Soomaaliya Maxamed Xusseen Rooble oo qoraal soo saaray ayaa farriin ku saabsan maalinta dhalinyarrada Soomaaliyeed 15ka May u dirray u dirray guud ahaan dhalinyarrada.

Qoraalka Ra'iisal Wasaaraha ayaa u dhignaa siddan ''"Dhallinyaradii Soomaaliyeed ee xornimada horseeday waxa ay Soomaali dhaxalsiiyeen taariikh mug weyn oo ifeysa iyo tusaale Soomaalinimo, Gobanimo, Daljaceyl iyo Isku duubni. Waxay kaloo dunida iyo dadka Soomaaliyeedba bareen awoodda dhallinyarada Soomaaliyeed iyo sida ay guulaha uga soo hoyn karaan dhinac walba, markii laga helo daacadnimo iyo isku duubni.

Xornimadii dalka ka hor iyo ka dibba, si weyn ayuu u muuqday doorka dhallinyarada Soomaaliyeed ee nolosha qeybeheeda kala duwan, siiba difaaca dalka iyo howlaha Qaran ee muhiimka ah.

Dhallinyarada Soomaaliyeed waxaa udub dhexaadka dalkeenna, waxa ayna bulshada ka yihiin in ka badan 70%, taas oo ka dhigan in dalkeennu yahay dal dhallinyaro. Xukuumadda Soomaaliyeed iyadoo garowsan muhiimmadda dhallinyarada Soomaaliyeed, waxay mudnaan gaar ah siineysaa horumarinta dhallinyarada Soomaaliyeed iyo sidii loo xoojin lahaa ka qeybgalkooda dhinacyada kala duwan ee nolosha, si gaar ahna siyaasadda iyo hoggaaminta dalka.

Dhinaca kale Madaxweynihii hore ee Soomaaliya Sheekh Shariif Sheekh Axmed ayaa dhallinyarada Soomaaliyeed ugu hambalyeeyay Maalinta Dhallinyarada Soomaaliyeed, isaga oo sheegay inay tahay in dhallinyaradu ka mira dhalin karaan dibu dhiska dalkeenna.

"Waxaan bogaadinayaa dhallinyarada Soomaaliyeed xuska munaasabadda sanadguurada 78-aad ee aasaaskii ururkii gobannimo doonka ahaa ee SYL oo maanta ku beegan.

Dhallinyaradu waxay udub dhexaad u ahaayeen xoreynta dalkeenna, walina waa tiirka ay ku taagan tahay dowladnimadeenna, marka la eego sida ay uga muuqdaan Ciidanka Xoogga Dalka, shaqaalaha rayidka ah iyo guud ahaan qeybaha kala duwan ee bulshada.

Maadaama ay bulshada maanta ka yihiin 75%, waxaan hubaa in dhallinyaradu ka mira dhalin karaan dibu dhiska dalkeenna.