Munaasabad loogu magac daray habeenka dhaqanka kana qeyb galeen Mas'uuliyiin oo xalay lagu qabtay Muqdisho (Daawo Sawirada)
0 - Visits: 846
-
- Share
Waxay ahayd Munaasabadaan mid aad loo soo agaasimaha, waxaana ay ka dhacday Hotelka City ee Magaalada Muqdisho, iyadoo ay ka qeyb galeen Wasiiro, Xildhibaano, Abwaano, Fanaaniin iyo qaar kale oo ka mid ah bulshada Soomaaliyeed.
Munaasabada oo uljeedkeedu ahaa dib u xasuusin iyo soo nooleynta wax yaabaha Soomaalida Hidaha iyo Dhaqanka u leedahay ee sii baaba’aya ayaa dadkii goobta ka hadlay waxay guubaabiyeen in bulshada Soomaaliyeed ay dhowraan dhaqan kooda suuban iyo hidihii caanka ay ku ahaayeen dadka Soomaaliyeed.
Goobta Munaasabadaan ay ka soconaysay ayaa aad loogu soo xardhay waxyaabo badan oo muujinaya dhaqanka Soomaaliyeed, iyo farshixanno aad usoo jiitay ka qeyb galayaashii.
Wasiirka Warfaafinta Xukuumada Soomaaliya Mustaf Shiikh Cali Dhuxulow oo ka mid ahaa mas’uuliyiintii madashaa ku sugnaa oo hadal jeediyay ayaa sheegay iney guubaabinayaan garabna ay siinayaan cid kastaa oo kaalin ka qaadaneysa soo nooleynta hidaha iyo dhaqnka Soomaaliyeed.
barnaamijkaan uu ahaa mid loogu tala galay in sare loogu qaado Hidaha iyo dhaqanka Soomaaliyeed, dadkii halkaasi bandhiga ka sameeyay, walibana ku tar tamay ay ku guuleysteen hadiyado qaali ah.
Halkaan Hoose ka daawo Sawirada
Muqdisho/Office
contact@afkashacabka.com
Munaasabad loogu magac daray habeenka dhaqanka kana qeyb galeen Mas'uuliyiin oo xalay lagu qabtay Muqdisho (Daawo Sawirada)
Munaasabad loogu magac daray habeenka dhaqanka oo ay ka soo qayb galeen qeybaha kala duwan ee bulshada madax katirsan maamulka gobolka banaadir iyo xubnaha labada gole ee dowlada qaarkood ayaa xalay lagu qabtay magaalada muqdisho.